نيللي كريم: تعرضت للخيانة وما أقدرش اغفرها | فيديو

كشفت الفنانة نيللي كريم لأول مرة خلال برنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس" عن تعرضها للخيانة.

الموقف من الخيانة الزوجية
وتابعت:"ماقدرتش أغفر الخيانة اللى اتعرضت لها وأخدت موقف، ممكن أتناسى الخيانة لكن مااغفرش، والناس بتطلق علشان العشرة بقت وحشة".

وأضافت:"مش ممكن أبدا أرد الخيانة بخيانة ولا بعد حين لأنى أحسن من كده".


سبب الانفصال
وعن أسباب انفصالها عن زوجها بعد ارتباط استمر 11 عامًا، أوضحت نيللي كريم:"مكنش فيه تفاهم ونكدنا علي بعض، ولكن أنا نكدى أجنبي وبيقلب بسكوت وباخد قراري فجأة وأنا اللى طلبت الطلاق".

الزيجة الأولى

وكشفت الفنانة نيللي كريم عن مفاجأة في أول زيجاتها قائلة :"أول جوازة ليا كانت من ورا أهلى وكان عندي وقتها  17 سنة ولو بنتى عملت كده هقتلها".

خطأ الزيجة الأولي
وتابعت:"بالرغم من إنى كنت غلطانة في الزواج بدون علم أهلي إلا إنى مش ندمانة لأنى اتجوزت وخلفت أحلى ولدين في الدنيا كريم ويوسف وربنا يخليهم ليا".

رفض الأهل الزواج
وأضافت:"أهلى رفضوا أتجوز علشان انا كنت صغيرة، ومهربتش، علشان كده اتجوزت من وراهم لأن أبويا كان توفى واخويا مكنش هيوافق وأمي كانت رافضة، روحت اتجوزت من وراهم وبعدين روحت قلت لأخويا وكان غضبان جدا".

حادثة الإسكندرية
وأكملت:"لما قلت لأخويا كان سايق العربية وكنا راجعين من اسكندرية فكان رد فعله: أنا هقتل جوزك ده، فقلت له مش هيحصل، وأخدت دركسيون العربية وقلبتها وعملنا حادثة والعربية اتقلبت 8 مرات في الرمل وكنا الساعة 12 بالليل، وقتها أخويا اتخض وانا اتخضيت من رد فعلي ولكن أنا جريئة".