رسالة نارية من تركي آل الشيخ لمجلس الأهلي: «مين اللي خايف يواجه»
وجه تركي آل الشيخ، مالك نادي بيراميدز ورئيس الاتحاد العربي لكرة القدم، رسالة نارية إلى مجلس إدارة النادي الأهلي برئاسة محمود الخطيب، ردا على البيان الذي أصدره وإعلان مقاطعة البطولات العربية بسبب آل الشيخ.
وكتب تركي آل الشيخ عبر صفحته على موقع التواصل الاجتماعي "هو ما شاء الله لسه فايقين إن فيه هجوم وإساءة ليكم من رئيس الاتحاد العربي، ولا لما قلت في لقاء تليفزيوني إني من كام يوم بفكر استقيل من الاتحاد العربي، حبيتم كالعادة تاخذو اللقطه وتطلعو أبطال قدام الجمهور وتلعبو على نغمة احنا اللي مشيناه... وكمان مش دي البطولة اللي لعبت فيها كده مباراة قبل كده وطلعت ؟! وهوا انت شاركت عشاني ولا عشان مصر وعشان الجايزة إلى بـ٨ مليون دولار؟".
وواصل آل الشيخ هجومه على مجلس الأهلي، بسبب مباراة الفريق وبيراميدز في بطولة الدوري الممتاز بعد قرار تأجيلها، قائلا "وبعدين لما عرفتو أن اتحاد الكرة هيأجل الماتش وده حق مشروع لبيراميدز رحتوا عاملين بطولة ومنزلينها في بيانكم وكأنه مخرج ليكم ؟! عشان ميبانش أن اتحاد الكرة أخذ القرار العادل! وكمان عاوز اسأل هوا متشنا معاكم كان من غير جمهور الدور الأول... يبقى من حقنا المتش التاني يبقى بدون جمهور وده الحق الطبيعي اللي لينا".
واختتم رئيس الاتحاد العربي رسالته لمجلس الأهلي قائلا "أنا بسأل للمرة المليون وقدام الجمهور الآن فين قرار قبول الاستقالة من الرياسة الشرفيه؟! ومين اللي خايف يواجه؟ انا اللي طالبت أن الماتش يكون كاس وبنفس التاريخ واتبح صوتي من ١٠ أيام بكده... ومين اللي عاوز يأجل ماتش الزمالك ؟ بعدين انا بستغرب... اخاف ليه وانا فايز بـ٢... وجون من السعيد وجون من أوفر من السعيد ؟ لاعب منتخب مصر اللي اتدفع قيمته ٣ مرات واللي بتحارب فيه والي رميت بكل الذوق والمبادئ ورحت تشتكيه على الـ«فيفا» وعلى الأهلي السعودي إلى منه الأمير المرحوم عبدالله الفيصل الرئيس الفخري واللي فيه صالة باسمه في النادي ! أنا فهمت الفيلم إلى كنت بتعمله بس فهمته للاسف متأخر... أن الهدف إحراق صورتي وكسب بطولة زايفه قدام الجمهور... الله يرحمك يا صالح سليم ".
