أحمد إبراهيم عن أشرف زكي: «ده نقيب ناس وناس وبقوله اتق الله فينا»
وجه الفنان الشاب أحمد إبراهيم، العديد من الرسائل الغاضبة للدكتور أشرف زكي، نقيب المهن التمثيلية، بعدما سخر منه النقيب، ووصفه بالممثل المغمور.
وقال أحمد، خلال استضافته في برنامج "عرب وود": «إنه لا يعتبر "أشرف" نقيبا له من الأساس؛ لذلك لا يهتم بوصفه له على أنه ممثل مغمور، قائلا : «أنا بعتبر أنه نقيب ناس وناس، يعني ممكن يكون عضو في النقابة عامل حادثة على الطريق، وبيموت، ويتصل بيه تلاقيه بيعمله بلوك وميردش عليه، عشان مش بيحبه، وتلاقي فنان تاني مش عضو نقابة أصلا، ويلف وراه في الأقسام».
وأضاف: «أنا مش فاهم يعني إيه يقول علينا إننا قوة ناعمة! والدولة لازم تهتم بينا وهو بيطلع في القنوات يتسول علينا.. وبيطلع يتكلم عن المشروع الإسكاني اللي النقابة عملته، ولما تروح هناك تلاقي نفسك واخد شقة في عمارة ٦ أدوار، وكل دور ٦ شقق، ده إحنا حتى محصلناش الإسكان الشعبي».
واختتم حديثه بتوجيه رسالة لنقيب المهن التمثيلية، قائلا: "اتق الله فينا".
