بالفيديو.. قبطي للسيسي: «كلنا معاك في مواجهة الإرهاب»
أعرب الأقباط بكنيسة العذراء مريم بتوريل عن استيائهم من استهداف الإرهاب الغاشم لهم في سيناء والأحداث الأخيرة بكنيستي طنطا والإسكندرية، مؤكدين على مساندتهم للرئيس السيسي في دحر الإرهاب.
وقال شنودة نجيب: "لازم نقاوم الإرهاب بالفكر والتعليم والدين ومش هنقول تقصير أمني لأن الأمن منتشر وبكثافة.. لازم كلنا نحط ايدينا في ايد بعض معلمين وأطباء ورجال دين ودكاترة وأعضاء تدريس بالجامعة وطلبة".
وتابع "شنودة": "لازم نحافظ على مصر سواء مسلم أو مسيحي لو تفجير في كنيسة أو جامع لازم نزعل لو في جامع هازعل زي الكنيسة، البلد دي فيها ناس محترمين ورجال دين محترمين والمتطرفين هما اللي بيدمروا البلد لكن مهما يعملوا لن ينالوا منا كمصريين ولا من مصر".
وأضاف: "إن الكتب السماوية كلها لا ترضى بالإرهاب ولا تدعوا له ومن يقوموا به لا دين لهم"، مشددا على أن ربنا حافظ مصر، مقدما العزاء لأهالي الشهداء سواء المسلمين أو المسيحيين.
واستطرد "نجيب": "إن الاحتفالات قائمة وإنها شعائر دينية علاقة عبادة بين الإنسان وربه.. وبندعى ربنا يحفظ مصر ويقوى الرئيس عبد الفتاح السيسي على البلد ومهما يحدث من تفجيرات واستهدافات احنا معاك ياريس قلبا وقالبا".
ووجه شنودة رسالة للرئيس عبد الفتاح السيسي، قائلا: "مهما يحصل من تفجيرات كنائس ومها يموت عساكر في مصر في كل مكان في سيناء في أي مكان احنا وراك متخافش من قوى الشر والدول اللي بتتربص بمصر لن تنتصر، متخافش احنا معاك مش مسلم ومسيحي كلنا كمصريين معاك للقضاء على الإرهاب".
