نساء يكشفن رد فعل أزواجهن على «اشتغالات الهاتف».. صفا: «كلمته وحكالي قديش مرته مغلباه».. توأم روحي: «إديت بابا معاد ومروحتش».. وإسراء: «رزعني بلوك كبر في نظري»

كشف مستخدمو موقع التواصل الاجتماعى "فيس بوك" عن طرافة المواقف التي تعرض لها المتزوجون منهم عند محاولة الزوجة خداع الزوج ومكالمته في الهاتف أو عبر أي وسيلة اتصال أخرى، وإقناعه أنها امرأة "تعاكسه".

- اشتكا لي من مراته اللي هي أنا
قالت صفا: "جربت واتكلمت مع زوجي وحكا لي قديش مراته (اللي هي أنا طبعا) مغلباه وبتطلب منه طلبات كتيرة ذهب وفلوس كأن معه مال قارون، وإنه أولاده مبهدلين ومو شاطرين بالمدارس بسبب أمهم مش مهتمة بيهم (طبعا أولادي أوائل صفوفهم ومتفوقين) وشكاوي ليها أول ما إلها آخر هههه".

- قفشت مراتى أما عملتها
وأضاف محمد: "حصلت معايا وقفشتها وعرفت إن هي، وفضلت أشتم فيها وأقولها عملت وسويت وهي تقولي كل بني آدم وليه ظروف، وبعدين قولتلها عرفت واحدة تانية بعدها وسبتها قالتلي ما هي بنت... أصلا قولتلها عيب كل بني آدم وليه ظروف وضحكت".

- بابا طلع أرمل من خمس سنين
وقالت توأم روحي: "أنا جربت وكلمت بابا وقالي إن هو أرمل من خمس سنين ههههههه مع العلم إن ماما عايشة، واديته معاد نتقابل ونزل من البيت حسب الميعاد وطبعا أنا مروحتش ولما جه بيسألني أول ما دخل البيت فين ماما قلتله الله يرحمها في المطبخ بتعمل الغدا ههههههههههههه".

- جوزى قالى إنه مغصوب على الجواز من 4 سنين
وأضافت أسماء: " أنا جربت وعرفت أد إيه هو مش طايق مراته ومتجوزها غصب من 4 سنين.. وهو متجوز عن حب ولسه مكملش سنتين وأبوها رفضه مرتين وهو اللي أعد يتحايل".

- جربت ورزعنى بلوك
وقالت إيمي: "جربت وقالي إنه هو يتيم أبوه وأمه ماتوا في حادثة وهو عنده أربع سنين وسابوه لوحده لا ليه أخ ولا أخت ولا حتى صدر حنين".
وأضافت إسراء: "أنا جربت ورزعني بلوك كبر في نظرى والله".