أطرف ردود النشطاء على «تعمل إيه لو لقيت أصحابك بيشربوا مخدرات».. نهلة: «هشرب معاهم».. أماني: «هبلغ عنهم».. عبد الرحمن: «هغطي عليهم».. كريم: «هاقول لأبوه
«تعاطي المخدرات» وباء تحول لـ«موضة» بين بعض المراهقين والشباب خلال الفترة الأخيرة، فيتباهى بعضهم بتعاطيها، غير مدركين مدى خطورتها.
في هذا السياق، أجاب مستخدمو موقع التواصل الاجتماعي «فيس بوك» على سؤال طرحته صفحة «الكومنت الجاحد» بشكل طريف، وهو ماذا تفعل إذ علمت أن أحد من أصدقائك يتعاطى مخدرات.
لو مقدرتش أمنعهم هشرب معاهم
قالت نهلة: «بجد هحاول أخليهم يبطلوها لو مقدرتش هشرب معاهم لا يكلف الله نفسًا إلا وسعها»، وأضافت حنان: «هاخمس معاهم لو مرضيوش مش هاضغط عليهم عشان ما طيرلهمش الدماغ اللى عملينها حرام دى بتبقى تكلفة بردوا».
هبلغ عنهم
وكتب محمد: «هقف جنبه واخد بإيده لحد ما يبعد أومال أنا صاحب إزاي»، وأضافت أماني: «أقسم بالله ما هسيبهم، هبلغ عنهم عشان أنا بحب صحابي».
حصلت وقولت لأبوه
وقالت دوللي: «انصح صحابك من الضهر للعصر رضي بنصيحت أهلا وسهلا مرضيش، اشرب معاهم».
وأضاف أحمد: «حصلت معايا قبل كدا ورحت قلت لأبوه وقلتله يتعامل مع الموضوع ببساطة وفعلا خده يحلله وكلمة بالراحة وأقنعه أنه يبطل وفعلا بطل ولحد دلوقتي ميعرفش إني أنا إللى قلتله».
هغطى عليه
وأوضح عبد الرحمن: «هغطي عليه وانصحو إنه يسيبه ويشتغل فيه ولو معرفتش يبقى أشرب معاه»، ورد كريم قائلا: «هنصحه لو مفيش فايدة هقول لأهله بس لو هو اللي جه اعترفلي من نفسه وصارحني هسيبه ومش هقول لحد وهشجعه أنه يكمل تدري ليش لأنه ما كذب».
هغطى عليه
وأوضح عبد الرحمن: «هغطي عليه وانصحو إنه يسيبه ويشتغل فيه ولو معرفتش يبقى أشرب معاه»، ورد كريم قائلا: «هنصحه لو مفيش فايدة هقول لأهله بس لو هو اللي جه اعترفلي من نفسه وصارحني هسيبه ومش هقول لحد وهشجعه أنه يكمل تدري ليش لأنه ما كذب».
وتابع محمود: «هخليه يبطلها أكيد وأعرف هو بيجيب منين ونعمل عليه كبسة واشوفه بيجيب منين ونعرف الرأس الكبيرة واشتغل فيها أنا وهو ونكسب بقا».
