نشطاء يشجعون المنتخب «يا رب الكأس لمصر».. حسام: بالتوفيق يا نني.. علي: صبحنا وربحنا وفي النهائي ما تفضحنا.. وإسلام: معانا يا رب إحنا ٩٢ مليون غلابة

دشن نشطاء مواقع التواصل الاجتماعي هاشتاجين أحدهما بعنوان "يا رب الكأس لمصر"، الذي تصدر ترند مصر على "تويتر"، والثاني بعنوان "كل الناس بتقول يا رب"، وذلك لتشجيع المنتخب القومي المصري للفوز على منتخب الكاميرون في نهائي كأس الأمم الأفريقية 2017 التي تقام في التاسعة مساء اليوم الأحد، مؤكدين أن الشعب المصري يستحق فرحة الفوز بالبطولة.

منصورة
قال حسام أحمد: "كل الناس بتقول يا رب.. يا رب الكاس لمصر إن شاء الله مصر منصورة بالتوفيق يا نني".
وأضاف السيد كمال: "شجع منتخب الرجال.. شجع منتخب الساجدين.. شجع الأبطال.. يارب النصر لمصر.. يا رب الكاس لمصر".
وعلق أحمد حليم: "إن شاء الله الفوز لمصر.. كان نفسي أكون في مصر عشان عارف المنظر هيكون إزاي الليلة بعد الفوز.. يا رب الكاس لمصر"
وقال على مصطفى: "يا رب صبحنا وربحنا وفى النهائي ما تفضحنا.. يا رب الكاس لمصر".
وكتب أحمد النزهي: "90 دقيقة يا رب محتاجين توفيقك عشان الشعب ده يفرح مش فارق معايا دلوقتي أي 11 لاعب يبدءوا، واثق إن كلهم رجالة يا رب اجبر بينا وفرحنا.. يا رب الكاس لمصر".

تحيا الرياضة
وقالت مروة: "يا رب الكاس لمصر.. ملعونة السياسة اللى بتفرّق وتحيا الرياضة جمعتهم وجعلتهم على قلب واحد بيدعي بإن البطولة لمصر واللى لينا فيه نصيب هننوله".
وأضاف إسلام أسامة: "معانا يا رب إحنا ٩٢ مليون غلابة ومحتاجين نفرح.. يا رب الكاس لمصر".
وعلق عمر صلاح: "قولوا يا رب الكاس لمصر من قلبكم وبثقة في الله وأكيد في حد من التسعين مليون ربنا هيستجيب له، اللعيبة عملوا اللى عليهم خلينا إحنا نعمل اللي علينا".
ورد نور عادل: "يا رب.. يا رب الكاس لمصر المنتخب كله رجاله وعملوا اللي عليهم وربنا حيقف معانا ببركة دعا الـ 92 مليون، وربنا يشفي كل اللي اتصابوا".
وتابعت صفاء محمد "اللهم هب لنا كورنر وبلانتي وهجمة مرتدة اللهم ابعد عنا الإصابات والشد العضلي وبلع اللسان.. يا رب الكاس لمصر.. عودة الفراعنة".