الفجوة الزمانية (1)

دايمًا بنسمع أن في أبهات عايشين مع ولادهم في جحيم والعكس صحيح بسبب أن في فجوة زمنية بين الأب وابنه واللي بيتقال دايمًا إن التكنولوجيا هي السبب في وجود الفجوة دي ويطلق على جيل الشباب جيل الإنترنت وأن الإنترنت أحد الأسباب اللي كونت الفجوة دي.

طب هو فعلًا في حاجة اسمها فجوة بينا وبين الأهالي؟؟

بالمعنى الأكاديمي لا.. وهي مجرد شيء وهمي لكن خليناه حقيقة من خلال المبدأ اللي بيقول لما بتصدق شيء بيتحقق أو لما بتخاف من العفريت بيطلعلك مع أن سبب الفجوة الرئيسي وببساطة أن كل واحد بيبص من خلال بصيرته ودايرته هو ولكن لو بصينا من وجهة نظر الآخر هنعرف هو ليه الآخر بيعترض.. وسع مستوى رؤيتك هتعرف السبب الحقيقي للفجوة يعني دايمًا هتلاقي أن الولد شايف دايما أن والده مختلف ومش متفهم أهدافه.. والأب دايمًا شايف أنه لو ساب ابنه يفكر لوحده هيغرق..طب ما تساعده.. بس سيبه يجرب علشان يعرف معاني الحياة زي ما قال الدكتور إبراهيم الفقي لولا وجود عكس المعني لما كان للمعني معني.

يعني سيب ابنك يجرب التعب علشان يعرف طعم الراحة وعلشان كمان لازم كل واحد يبقى مختلف عن التاني علشان العالم يبقى متميز لكن لو بقينا كلنا نسخة واحدة هيختفي التميز من العالم ثم النفس البشرية واحدة على مر الاجيال من أول آدم لحد يومنا هذا لكن اللي بيختلف العالم المحيط بينا فبتتغير معاه المفاهيم والعادات وطريقة التفكير لكن الأصل ما زال موجودا ولو حبينا نرجع للأصل هنقدر بس نقرر ونبدأ نشيل فعلا الفجوة دي.
www.paula.ml