سامية جاهين: "الداخلية" ترفض الإفراج عن مصور "دهب" وإخوانه
أكدت سامية شاهين، الناشطة السياسية ونجلة الشاعر صلاح جاهين، أن الصحفي عمر عبد المقصود، الذي صور "دهب" السيدة التي كانت مقيدة في السرير وهي حامل، مسجون مع إخوانه الاثنين بالرغم من حصولهم على إخلاء سبيل.
وكتبت سامية تدوينة على صفحتها الرسمية على "فيس بوك "من إبداعات الداخلية: "يبقى أصلا محتجزك بدون وجه حق وبعدين يلبسك تهمة تظاهر في نفس التوقيت اللي هو محتجزك فيه! أي والله زي مبقول لك كده، فاكرين الصحفي عمر عبد المقصود اللي كان مصور دهب اللي اتكلبشت في السرير وهي حامل؟ بعد ما لبسوه قضية خلية إرهابية في أبريل اللي فات واتاخد هو وإخوته الاتنين خدوا إخلاء سبيل بس برضه ما خرجووش (أي والله زي مبقول لك كده)".
وأضافت:" الجديد بقى دلوقتي أنهم لبسوهم تهمة تظاهر بتاريخ هم أصلا كانوا محتجزين فيه! أخو عمر اللي في تانية ثانوي راحت عليه السنة اللي فاتت وبالشكل ده حتروح عليه السنة دي كمان.. ده غير التعذيب الرهيب اللي تعرضوا له التلات أخوات.. أرجوكم تدخلوا على صفحة عمر وتعرفوا تفاصيل قضيته وتشيروها.. شيء حزين ومؤلم أن هو ده كل اللي في إيدنا نعمله، لكن على الأقل نعمل اللي في إيدنا.. عرفوا الناس بيه وادعموه"، مؤكدة أنه سيكون هناك مؤتمر صحفي قريب.
