الثلاثاء 24 نوفمبر 2020...9 ربيع الثاني 1442 الجريدة الورقية

لسه بحبك

صحافة المواطن
صوره أرشيفية

د.مني شوقي


أنا حته منك
وبخاف عليكي حتى منك
ده أنا كنت فاكره اني كرهتك
وتعبت منك
واني زهدتك
واني ممكن استغني عنك
وبقول لنفسي ما أنا شلت همك
وصحيت لقيتني عاشقه ترابك
وبخاف عليكي حتى منك
ولما باتفس هواكي
القي نسيمك زادني عشقك
وكل ما بتقسي عليا وتجرحيني
برضه القاني بحبك
يا مصر وانتي ولا انتي عارفه اني جنبك
ولا حاسه بيا ولا سامعه صوتي
طب بصي جنبك
هتلاقي ميت مليون حبيب
وانتي ولا شايفه اللي حبك
يا مصر فوقي وصحصحي
وخلي بالك من اللي منك
وانا برضه مهما تعملي
لسه بحبك
اضافة اعلان