الإثنين 13 يوليه 2020...22 ذو القعدة 1441 الجريدة الورقية

أبين زين يضرب الودع عن تعديل الدستور

ساخرون أبين زين
أبين زين

فريد طه

 

أبين زين.. واقول على المستخبي واللي مش معروف.. وأضرب في ودعي.. وتمللي بادعي.. والمستخبي باقوله ع المكشوف


دستور دستور يا أهل الدساتير.. أنا عقلي خلاص خايف ليطير.. ليه كل شوية أسمع أساطير.. من ناس بيقولوا الأمر خطير.. ويدقوا في كل مكان مسامير.. علشان أفكار البطش تسير.. على كيفهم حتى نقع في البير.. وكمان فيه ناس ماسكة الطباشير.. وبتكتب فيه للشعب نصير..

 

مسلم ومسيحي كبير وصغير.. بيطالبوا يكون مسئولنا قدير.. ويحقق مطلب شعب أمير.. طول عمره يناضل للتحرير.. وتاريخه في حكمه مالهش نظير.. صاحب أحكام ونصوص تفسير.. فيها كل هدف يُرْضي الجماهير.. مش كل شوية نقول تغيير.. نحذف ونشيل زي المناشير.. ولأن الشعب وناسه بخير.. صوتها سيكون اسْتفْتي كبير.. من كل الشعب غني وفقير.. فياريت تتحدوا ونسمع خير.. ونقول متشكر للمغاوير.. من أهل الفتوى على التحضير.. وصياغة نص قانوني يسير.. وبلاش والنبي تختلفوا كتير.. على كلمة يكون مالهاش تأثير.. علشان فيه ناس غاويين تكسير.. عايزين يركبوا فوق كل خطير.. لكن ربنا في الحق نصير.. مع صوت الشعب لمصر ضمير.