رئيس التحرير
عصام كامل
Advertisements
Advertisements
Advertisements
Advertisements

«ربنا ينجيك يا ابني».. فريدة سيف النصر تدعم محمد رمضان ضد سميرة عبد العزيز

محمد رمضان وسميرة
محمد رمضان وسميرة عبد العزيز
Advertisements
بشكل صريح.. دعمت الفنانة فريدة سيف النصر الفنان محمد رمضان  في مسألة توجيه الأخير شتائم للفنانة والنائبة سميرة عبد العزيز.


وكتبت فريدة عبر حسابها الشخصي علي موقع التواصل الاجتماعي "فيس بوك" : "كلمة حق لـ رمضان.. حواديت حصلت قدامي.. ماحدش يقوللي هاتخسري جمهورك وأنصحك ماتدافعيش عنه. نصيحه مايعلقش أحسن علشان لا أنت ولا غيرك هتنفعني يوم وقفة الحق. والساكت عن الحق شيطان أخرس وكتم الشهادة نار تقيد في القلب تسوده.. وعنده عيوب آه لكن متربي واللي بيحترم أبوه وأمه بيحترم الكبار.. ولا حد يقوللي بتطبلي له والسبوبة خلصت ..  يابني الشغل اللي أنا اشتغلته مع كل النجوم الكبار يخلليني أكره واحتقر الوسط واللي بيحصل فيه دلوقتي.. فا مش عايزه تعليقات كلها هري وبس.. وتاني هو فيه عيوب آه وكلنا عيوب".

واضافت:" يلا وهاقولهاله لأول مره.. عيوبك:  عنيد.. صوته من دماغه.. متهور.. كياد.. بيفرس ناس قهروه وبيظهر نعم الله عليه ما استعانش علي قضاء حوائجه بالكتمان نصيحة النبي وبيجيب لنفسه ولأهله القر . والناس اللي بتغير وتكره الخير للناس يتشالوا ويتحطوا من غير مايؤذي حد.. ده ليه لاننا مختلفين ..كل الدنيا العالم الناجحين اوي بيفرحوا... و هو كان فاكر زي مابيفرح الناس هاتفرح له". 

وتابعت فريدة: "قدامكم مثل محمد صلاح اتكرم في العالم كله في مصر لو ماكانش جري كان اتدمر خالص، يخرب بيت كده احنا ماكناش كده جرالنا ايه دي في ناس بتدعي بزوال النعم ياساتر يارب.. رمضان غلطان في حاجات كتير ماشي من وجهة نظرك بس هو شايفها صح هو حر زي ما انت حر..في حاجات من غير قصد والناس حواليه ما بتاخدش بالها تدفع حاجاته في وقتها الشغل لاهيهم فنلاقيه كل شويه حد يسب فيه ده عيب في إدارته أو جايز حد قاصد ولا تعلم..لاحول ولاقوة الا بالله العلي العظيم.. ربنا ينجيك يابني.. قولوا اللي تقولوه..لكن أشهد بالله العلي العظيم الحق العدل الشهيد وبالصلاة علي رسول الله الصادق الأمين..إن ماأقوله حدث عدة مرات امامي". 

وقالت: "محمد يقوم لكل كبير سن او اقدم منه في المهنه يحييه ويحترمه ويقول له احلي تحيه من نجم ميجاستار للجميع.. مثل الراحل ريحان ويقبل يده ورأسه..عارفه عبدالرسول ويبوس ايدها..فواز..حتي العمال الكبار..محمد محترم جدا ياجماعه مع كل اللي حواليه..بالبلدي غلبان جواه الشاب اللي اتقهر وربنا اداله ومش فاهم بيتلطش ليه ده شغل ربنا وجواه عزة نفس عاجباني مابينحنيش غير لله وبيصلي فاحترمته اكتر وتاني عنده غلط اه وكلنا بنغلط الله اكبر".

وأضافت:"علشان تعرفوا هاحكي حكايه بعد اذنهم جميعا هاتعرفوا منها كتير..قاعدين بنتفرج علي مشهد وبنتكلم في الاستراحه ودخل حبيب قلبي رياض الخولي اللي هناني بأدائي في اعمالي ورياض معلم ونعلم جميعا قدر بعض ونحكي عالصعوبات وذكريات ومواقف..وفجأه التفت ل رمضان وقال له انا زمان كنت انت شغال معانا وكانوا جايبين لي كرافان ده رياض اللي بيقول وكمل دخلت لقيتك بتغير جلابيه والانتاج سمح لك فا روحت مزعق وقولت مين جاب ده هنا وزعقتلك ونزلوك..وكمل رياض وقال له اوعي تكون زعلان مني(دي اخلاق رياض)..رد رمضان وقال حقك يااستاذ وانا عمري ما ازعل من حق حد وحضرتك علي راسنا وانا والله مافاكر حاجه...(ده رد رمضان)". 


وقالت :"اكيد ده اتكرر كتير مع محمد حاجات حكاها وحاجات لأه ..واهو بقي له معجبين في العالم ونجم وبطل ومحبوب وماديا ماشاء الله وده (رد ربنا )..يوم انا بقي ما تقابلت معاه لاول مره لقيت فراشه حلوه طيبه جت جري عليا وبوس راس وايد وترحيب واخلاق وكلام طيب ..والله العظيم باشتغل مع عيال بمعني كلمة عيال سواء شهره او كم اعمال او جماهيريه من النوعين ذكر وانثي بتبقي بعيد عنكم ضربة القلب والغرور ياعين امهم فهمهم غلط ان التناكه بداية النجوميه والنجاح..لاه بيفشلوا بعد شويه.. يبقي نفكر بقي بالعدل..الجدع ده اللي قد ابني بالظبط..ربنا ادالوا ليه ؟بيحبب خلقه فيه ليه؟ ان الله عنود ولايعاند..ايش دراكم اتعمل فيه ايه تاني..انا باقول اهو كده كتير..والله". 

واضافت :"اما السيده الفاضله جيل فاتن حمامه وصديقتها الوحيده..سميره عبدالعزيز..احتراما لها لن اكذبها ابدا..ولكن رساله وصلت لك من مين اكيد يا رمضان حد بيعزك اوي وخد موبايلك ده انت متحارب من ايام عشرين مليون مايعرفوش الله اكبر اجرك حاليا.. يعني كتمتي في قلبك 6 سنين ؟ وبعدين دي مش شغلته ان حد يرفض دور فا يتقهر ويكلمه يردح له.. يعني حتي لو حصل اشمعني دلوقتي ياحاجه لاحول ولا قوة الا بالله العلي العظيم..انا اتشرفت بيها وعملت معانا في مسلسل الرحايا اخت نور ابو دياب زوجي واتقابلنا كتير كانت ماليه الشغل علينا أسالوا الجميع والله حاجه كده خيال بتتعامل حقيقي باسلوب فاتن حمامه شوفوا بقي الرقي ماهو قول لي من تعاشر.. ربنا يهدي الجميع لبعض ويهدي النفوس هو احنا بندور علي مشاكل بأثر رجعي". 

وأختتمت الفنانة فريدة سيف النصر حديثها بـ : "اقسم بالله قسم يتهز له 7 سموات دي مش اخلاق محمد..واللي هايقول سبوبه وقرف ورحمة امي هازعل لانكم حبايبي وعارفين اني حقانيه ومابياخد الروح الا اللي خلقها". 

جدير بالذكر أن الفنانة سميرة عبد العزيز اثارت الجدل خلال الأيام الماضية، بعدما صرحت بأنه تأتيها رسائل تطاول عبر موقع "فيس بوك" من صفحات باسم الفنان محمد رمضان.

وأكدت سميرة عبد العزيز بأن رسائل التطاول جاءت عبر موقع التواصل الاجتماعي "فيس بوك" من صفحات تحمل اسم محمد رمضان وليس تطبيق "الواتس آب" كما قال البعض.

كما أوضحت أنها غير متأكدة من أن هذه الصفحات تخص "محمد رمضان" أم لا، لذلك لن تتخذ أي إجراء قانوني ضده لأنه مثل أولادها. 
Advertisements
Advertisements
الجريدة الرسمية