نشطاء التواصل الاجتماعي يكشفون شخصية هشام جمال مخرج إعلان مجدي يعقوب وصاحب فكرته.. أميرة: عمره 23 عامًا وصاحب شركة وأنتج ألبوم دنيا سمير غانم.. جودة: منين ننوس عين مامته.. سهيلة: بفلوس أبوه

كشف نشطاء مواقع التواصل الاجتماعي "فيس بوك وتويتر" عن شخصية هشام جمال، الذي غنى في إعلان "مجدي يعقوب"، مؤكدين أنه مخرج ومنتج لعدد من المسلسلات والأغاني، وبدأ حياته العملية منذ أن كان عمره 16 عامًا محققًا نجاحًا كبيرًا في مجاله.

صاحب فكرة الإعلان
وكان هشام جمال قد أثار جدلًا كبيرًا بين نشطاء مواقع التواصل الاجتماعي، الذين أخذوا في التندر عليه، قائلين: إنهم لا يعرفون إذا ما كان فتى أم فتاة.

وعلقت أميرة فاروق، ممثلة، قائلة: "هشام جمال" اللي خد تريقة من إعلان مجدي يعقوب، عنده ٢٣ سنة وهو مخرج الإعلان وصاحب فكرته، ده غير أنه ملحن ومنتج وعنده شركة إنتاج بتاعته roznama أكيد كلنا نعرفها، أسسها وهو عنده ١٦ سنة، وهو اللى أنتج ألبوم دنيا سمير غانم ومسلسل لهفة وحاليا مسلسل نيللى وشريهان ومخرج كليبات، وهو اللي لحن أغاني ألبوم قصة شتا بتاع دنيا سمير غانم... وبيدرس بيزنس في جامعة في إسبانيا وعنده فرقة اسمها بوى باند عاملة أغانى كويسة، وعلى فكرة الإعلان ناس كتيرة وصلها وعجبها جدا، بلاش ناخد بالمظاهر لأن في ناس كتيرة ظاهرها غير جواها وكلنا عارفين كدا، هو وصل بمجهوده للى ناس كتيرة حاليا مش عارفة تقوم من على السرير ومكسلة وعايزة كل حاجة تجى لحد عندها، حاول تشوف غيرك مابدل ماتبص وتعلق على عيوبه الخارجية شوف عمل ايه واجتهد إزاى وتعب ووصل لفين وغير حياتك".


يستحق الانتقاد
ورد جودة محروس: "لإنه فعلا ف وسط الإعلان يستحق الانتقاد وزى ماهو عامل لنفسه ستايل معين يتقبل بقى كل الآراء فيه مش هنعظم له يعنى وخامة صوته قريبة جدا من صوت دنيا عشان كده صوته كمان كان يستحق الانتقاد وبعدين شركة إنتاج وإسبانيا منين ننوس عين مامته".

وعلقت آية سكرة: "دول شعب لو متريقش ع اللي قدّامه يموت بحسرته، دايمًا عاوزين يطلعوا عيوب في غيرهم".

وقال محمد الجوهري: "ايه يعني أنا بدرس صيدلة بفلوسي وبابي عاملي سلسلة صيدليات ومصنع أدوية ومخزنين وشركة انترناشونال وشقتين ع البحر وفيلا في الساحل و٣ عربيات كوبيه ده كلو وانا عندي ٢١ سنة ومش بستشور شعري عادي".

وأضافت سهيلة مجدي: "بس بفلوس أبوه برضوا ازاى واحد عادى يبقي عنده شركة إنتاج وعمره ١٦ سنة وأبوه يظبته في إنتاج مسلسلات وأغانى لناس معروفة.. لأ هو لو عادى عمره ما كان يعرف يعمل كل ده، وعلي فكرة ناس كتير عندهم مواهب أحسن منه".