قصيدة للاعب الكرة أحمد الجمل

أحمد الجمل يكتب: "خواطر"

لحد امتى هانعتذر ونقول سامحنا .... بندارى عيبنا من البشر وهو شايفنا
نغلط ونرجع نتوب .... نغلط وتزيد الذنوب
معقول يكون بيحبك كده .. كل ده ومش عاوز تتوب
لو خفت منى بتهرب ... والخوف من الله بيقرب
سبحان الله ماتجرب .. والله منك حايقرب
لو رُحت مرة لأمير .. أو أى حد كبير
وطلبت إنك تقابله ... هتاخد وقت كتير
ولو رحت للى خلقك ... هاتتوضى وفى القبلة يقابلك
تحكى له اللى فى قلبك .. والله أكيد هايساعدك
باب رحمته مفتوح .. بس انت جرب وروح
لو ذنوبك مالية كتابك .. تصبح تلاقيه ممسوح
ربك حليم كريم ... لوكنت عاصى لئيم
اندم وابكى بالعين ... يغفر ده رب رحيم
يا رب يوم القيامة ... يعدى علينا بسلامة
وفى جنتك نسكن ... وتنجينا من دار الندامة
أمتع عينى برؤياك .. وابنى لى قصرا هناك
سقفى يكون عرشك .. جارى الحبيب برضالك
يا رب يا رحمن .. إرحم ضعيف ندمان
جالك مالوش غيرك .. وفى جنتك طمعان