محمد العدل على ريد كاربت "أمريكا شيكا بيكا": لو قدمنا الفيلم اليوم سيكون بشكل مختلف (فيديو)
أكد المنتج محمد العدل على ريد كاربت فيلم «أمريكا شيكا بيكا» بمهرجان القاهرة السينمائي الدولي بدورته الـ 47 أنه إذا قام بإعادة تقديم الفيلم اليوم سيكون بشكل مختلف تمامًا.
وأوضح: "إحنا ساعة لما ناقشنا القضية ما كانتش مطروحة أوي، على عكس اليوم، إحنا قولنا إن في مشكلة هتحصل، ونبهنا ليها، صحيح محدش انتبه، وما زالت الناس بتعمل هجرة غير شرعية".
وأضاف العدل: "لكن لو قدمناه دلوقتي أعتقد هنقدمه بشكل مختلف عن اللي بيحصل دلوقتي، وإنتاج الفيلم لنا يعد شيئا مشرفا".
وعن الفرق في السينما في التسعينيات وحاليا، أكد العدل أن الفرق كبير جدا، موضحا: "ما كانش عندنا كم السينمات اللي موجود دلوقتي، ما كانش عندنا كم القاعات اللي موجودة دي، التذكرة كانت بجنيه والناس كانت تقدر تدخل، التذكرة دلوقتي غالية أوي".
وعن قدرة السينما تقديم أفلام تطرح قضايا جريئة ومهمة حاليا، قال: "السينما تقدر تعمل أي حاجة، يسمح لها بقى أو لا يسمح لها ده موضوع تاني.
وشهد عرض فيلم “أمريكا شيكا بيكا”، المقام اليوم الخميس ضمن عروض السجادة الحمراء بالدورة الـ47 من مهرجان القاهرة السينمائي الدولي، أجواء ودية جمعت السيناريست والشاعر مدحت العدل بالفنان محمد فؤاد، حيث تبادلا الأحضان وسط أجواء احتفالية، بالتزامن مع عرض الفيلم احتفاء بتكريم مدحت العدل.
ويُعرض فيلم أمريكا شيكا بيكا للمخرج خيري بشارة، اليوم الخميس 19 نوفمبر، ضمن قسم كلاسيكيات القاهرة، في إطار عروض السجادة الحمراء، وذلك في تمام الساعة التاسعة مساءً على المسرح الكبير بدار الأوبرا المصرية، احتفاءً بمنح مدحت العدل جائزة الهرم الذهبي لإنجاز العمر خلال حفل افتتاح الدورة الـ47، تقديرًا لمسيرته الإبداعية وإسهاماته في السينما والدراما التلفزيونية والشعر الغنائي والإنتاج الفني.
