جهاد حسام الدين: درست في مدرسة فرنسية وما حصليش انصهار كامل بها (فيديو)
أكدت الفنانة الشابة جهاد حسام الدين أن فترة المراهقة لا يمكن تحديد بداية لها أو نهاية، قائلة: "المراهقة ما لهاش بداية ولا نهاية، يمكن نقطة البداية وقت البلوغ مثلًا لكن بعد كدا ما أعرفش تقف فين".
جاء ذلك خلال ندوة "حكايات المراهقة والشباب في السينما" على المسرح المكشوف بدار الأوبرا المصرية، ضمن فعاليات الدورة السابعة والأربعين من مهرجان القاهرة السينمائي الدولي.
الفنانة الشابة جهاد حسام الدين
وأضافت: "لو هتكلم عن تجربتي الشخصية مثلا فترة المدرسة دي من أصعب فترات حياتي.. من أكثر الأوقات اللي كنت حاسة فيها بشيء من التعذيب لأسباب كثيرة.. يعني أنا خارجة من بيت أصيل مصري جدًّا وأمي كانت مهتمة جدًّا باللغة".





وتابعت: "لكن كنت في مدرسة فرنساوي فما حصليش الانصهار الكامل في المدرسة وحاسة إن دي مشكلة مش عندي لوحدي عند ناس كتير ويمكن مش ناس كتير بتتكلم عنها ولما بنتكلم عنها بيبقى في حكم ان اللي في المشكلة دي غلطان أو وحش أو ما حاولش كفاية مثلًا".
وأردفت: "ما حدش في الأعمال الفنية جه يحاول يبص علي الشخص في الحتة دي أو المكان ده.. الشخص اللي مش عنده انصهار كامل مع المجتمع اللي منه مع ناسه وهو خارج من بيته مع صحابه.. فأنا حاسة إن ده بالنسبة لي كانت فترة صعبة جدًّا... فكرة أنا مين وعايزة إيه".
