كامل الوزير أمام النواب: لا يوجد ما نخفيه بشأن حادث قطاري العياط
أعلن الفريق كامل الوزير، وزير النقل، عن استعداده للرد علي أي تساؤل للنواب خاص بحادث قطاري العياط.
اجتماع لجنة النقل بمجلس النواب اليوم
وقال الوزير خلال اجتماع لجنة النقل بمجلس النواب اليوم برئاسة النائب وحيد قرقر، رئيس اللجنة، إنه فور اتصال النائب المحترم وحيد قرقى رئيس اللجنة، لدعوته لحضور الاجتماع، قُلت له ده أنا اللي كنت عايز أحضر.
وتابع: "في المرة الماضية أنا اللي قلت على الهوا قبل ما يتم الدعوة وقلت إني هروح المجلس بكرة".
وأضاف: أي حد عايز يسأل في أي حاجة، يسأل، لأن إحنا ما فيش حاجة نخفيها، وما بقولش إني عملت كتير، لا، ده لسه مطلوب مننا كتير، إحنا هنفضل نشتغل زي ما قلت تاني، وكررت: هنشتغل لحد ما نموت، سواء إحنا في الوزارة أو طلعنا برة من الوزارة.
وتابع: ما حدش هيخلد، ما حدش هيقعد طول العمر، ولكن أنا في الوزارة شغال، برة الوزارة شغال.
