أمينة خليل: كريم الشناوي بيخليني أشعر بالأمان أثناء التصوير (فيديو)
تحدثت الفنانة أمينة خليل خلال الجلسة النقاشية "اختيارات الممثل.. من يصنع الأداء" ضمن فعاليات ملتقى سيني جونة بالدورة التاسعة من مهرجان الجونة السينمائي، حول عملها مع المخرج كريم الشناوي والذي استطاع ان يخلق بيئة آمنة اثناء التصوير.
أمينة خليل: كريم الشناوي استطاع الموازنة بين الشغف والمهنية
وقالت أمينة خليل إن كريم الشناوي يستطيع خلق توازن بين شغفه بالعمل وكونه مدير زكي ومهني، والذي يجعلها تشعر بالأمان عند العمل معه أثناء التصوير.
وتابعت: “ده شيء مهم جدا أنه يقدر يمسك العصايا من النص، عنده أحلام وعارف إزي يقدر يحققها إنتاجيا، كريم بيحترم مخى، من المهم وجود مخرج مش شايف الممثل مجرد أداء يحركها زي ما هو عايز، دي حاجة احترمتها جدا وبديني المساحة وبتخليني عايزة اشتغل أكتر وأكتر.”
وحول النقاشات التي تدور اثناء بناء الشخصية، قالت خليل إن الكلام مع مخرج العمل والممثلين لا ينتهي ابدا، موضحة: “احنا بنفضل نتكلم لحد منخلص التصوير، بناء الشخصية ده شيء جميل جدا، وده افضل شيء من الجهة الابداعية."
واضافت: “بيبقي ممعكيش اي حاجة غير ورق وانتى بتخلى الشخصية دي تقوم تبقي لحم وده، فاذا كانت الممثل محظوظ، هيشتغل مع مخرج بيوفر المساحة انه يشوفي كل أبعاد الشخصية”
واكدت خليل ان الممثل هو جزء واحد من الكل الذي يكتمل برؤية المخرج، موضحة: “احنا كممثلين جزء واحد بس من شيء كبير جدا، وهى رؤية المخرج فهو لديه المونتاج والديكور وغيرها العديد من العوامل التى تكمل الصورة الكاملة، علشان كده لما بحس انى جزء من الفريق اللى بيخرج العمل بالشكل المطلوب ونوصله لبر الامان بتبقي حاجة لذيذة جدا."
