بين صعوبة المناهج وعبء التقييمات، "ائتلاف أولياء الأمور" ينقل مطالب الأمهات لمنتدى مصر
"شاركونا بآرائكم ومقترحاتكم فيما يخص ملف التعليم بشكل عام كأولياء أمور في إطار (منتدى مصر ٢٠٢٦)"، بهذه الكلمات وجهت عبير أحمد، مؤسس اتحاد أمهات مصر للنهوض بالتعليم وائتلاف أولياء الأمور، حديثها إلى أولياء أمور للمشاركة بآرائهم استجابة لدعوة الرئيس عبد الفتاح السيسي.
مؤسس "أمهات مصر" تعرض آراء أولياء الأمور استعدادًا لـ«منتدى مصر 2026»
وقالت عبير، في تصريحات صحفية، إنها حرصت على مشاركة آراء وملاحظات ومطالب أولياء الأمور بمختلف المراحل التعليمية، مناشدة بأن يتم النظر في هذه المطالب خلال إحدى جلسات منتدى مصر ٢٠٢٦، لرفع المعاناة عن أولياء الأمور وأبنائهم الطلاب.
وتفاعل عشرات أولياء أمور من الأمهات، على صفحة اتحاد أمهات مصر للنهوض بالتعليم، في الفيسبوك، حيث قالت ولية أمر: "مفيش وقت نذاكر الدروس، الأداء الصفي بيتعمل في البيت، وبنعمل الواجب ونحل التقييمات شفوي فى البيت علشان يروحوا تاني يوم يلطعوها فى الورق، بقينا نكتب بدل عيالنا لأن مش ملاحقين كتابة وحل فى كل المواد، بننقل الإجابات من نماذج محلولة، فين الاستفادة يا ناس؟، لازم التقييمات تتلغي بجد".
وأضافت أخرى: "نشارك نقول ايه ولا ايه، مناهج كلها حشو، منهج أولى إعدادي كأنها آخر سنين تعليمه ليييييييه، ايه كل الكم والتفاصيل دى وهو لسه قدامه سنين بيعيد فيها نفس الكلام. يعنى ايه تقييمات، مش عاوزين تقييمات حمل على الولاد وعلى المدرسين، امتى الطفل يذاكر وهو عنده كم التقييمات دى وكم الواجبات؟، واحنا كمان بنديهم دروس لأن المناهج عاوزه متخصصين من صعوبتها، وكمان عليه حل واجب تانى اللى هو الدرس".
وتابعت: "نيجى بقى لثالثة ابتدائى، منهج الماث أطفال 8 سنين ويخليهم يعيطوا يوميا ويحسوا إنهم أغبياء".
وطالبت ولي أمر بتخفيف المناهج ومنع الاختبارات للصفوف الأول والثاني والثالث الابتدائي.
وقالت ولي أمر أخرى: "أحنا تعبنا والله بجد والأولاد متبهدلين، أنا عن نفسي من الناس اللي مبسوطة بالمناهج جدًا لإن فيها تشغيل دماغ مش حفظ وخلاص، وفعلًا المناهج حلوة جدًا والأطفال قدرتهم على الفهم أفضل مننا، لكن الكم هو اللي مش طبيعي، منهج تيرم واحد يتقسم على السنة كلها مرتاح والله، حرام لما عيال عندهم ٩ سنين يبقوا مكفيين على الكتب طول اليوم جسمهم تعب مبيلحقوش يناموا حتى حرام والله".
واستكملت: "أقسم بالله بنتي بقت ولا كأنها ست عجوزة مش عارفة تضحك حتى وطول الوقت تعبانة ولما بتنام بتفضل تتوجع أو تهلوس بكلام عن المذاكرة".
يأتي ذلك تمهيدًا لانعقاد «منتدى مصر 2026.. نظرة لليوم.. رؤية للغد»، المقرر عقده خلال الفترة من 19 إلى 24 أكتوبر 2026، باعتباره منصة للحوار وتبادل الرؤى حول مسارات التنمية ومستقبل الوطن، بما يتيح الاستماع إلى مختلف الآراء والخبرات، والاستفادة من المقترحات المطروحة في مناقشة القضايا الوطنية ورسم ملامح المرحلة المقبلة.
