اقعد ساكت بدل ما أدفنك، عابد عناني يكشف لـ"فيتو" عن تعرضه للتهديد داخل كمبوند شهير
كشف الفنان عابد عناني تفاصيل أزمته الأخيرة مع انقطاع المياه داخل الكمبوند الذي يقيم فيه، مؤكدا أنه تعرض للاعتداء اللفظي والتهديد من جانب بعض المسؤولين والعاملين بالكمبوند، بحسب روايته.
أزمة عابد عناني
وقال عابد عناني في تصريح خاص لـ«فيتو»، إنه يقيم داخل الكمبوند منذ فترة قريبة، إلا أنه فوجئ بتكرار انقطاع المياه عنه بشكل مستمر، موضحا أنه اكتشف قيام أحد الأشخاص بفك المحبس الرئيسي الخاص بوحدته واستخدامه، وهو ما تكرر أكثر من مرة وأصبح الأمر مزعجا بالنسبة له.
وأضاف عابد عناني: «النهارده لقيت العامل اللي كان بيعمل كده وفاكك المحبس بتاعي وقاطع عني المياه، وخرجت لقيته بيعمل كده، فطلبت منه إنه يبلغ إدارة الكمبوند إنهم يعملوا لهم حنفية خاصة، لكنه قالي: هما اللي قالوا لي أعمل كده».
وتابع: «بعدها خرجت علشان أستدعي الأمن، اللي هو المفروض بيحميني، وقالوا لي إنهم خرجوا العامل ده بره لحد ما المدير ييجي، لكني فوجئت بالمدير جه وقال لي: اقعد ساكت بدل ما أدفنك مكانك».
واختتم عابد عناني تصريحاته قائلا: يعني هما مصدر تهديد ليا، والكاميرات صورت كل اللي حصل وتوجهت للجهات المختصة لتحرير محضر بالواقعة.
