حودة بندق يحتفل بوصول أغنيته "الجاي بتاعي" إلى 150 مليون مشاهدة على يوتيوب

احتفل مغني المهرجانات حودة بندق، بالنجاح الكبير الذي حققته أغنيته "الجاي بتاعي"، بعد وصولها إلى 150 مليون مشاهدة على منصة يوتيوب.

ونشر حودة بندق عبر حسابه الشخصي على مواقع التواصل الاجتماعي فيسبوك، صورة من فيديو الأغنية على اليوتيوب، بعد وصولها لـ 150 مليون مشاهدة خلال عام.

حودة بندق يحتفل بوصول "الجاي بتاعي" 150 مليون مشاهدة

وعلق مغني المهرجانات قائلًا: الحمد لله "الجاي بتاعي" 150 مليون مشاهدة عبر اليوتيوب"، والأغنية من كلمات حسين خالد، وتوزيع أحمد الخضري، وألحان حودة بندق.

كلمات أغنية "الجاي بتاعي"

هو إنت مين فكرني بيك إسمك إيه علشان ناسيك

ياض مهما روحت مهما جيت هفضل يا واد ثقيل عليك

لو جاي في سيط أمرك بسيط أعذرني لو لعبت بيك

اصلك طري وعضمك خفيف حوش الصفار باين عليك

كل اللي فات مُسكنات والجاي عايز دبابات

يا ابني احنا لسه ع الثبات عشان ملوك فوق راسنا تاج

ملناش كبير إحنا الكبار طالعين لفوق زي الدولار

معلمين في أي كار أما إنتوا في منكم كثار

إهدوا مالوش داعي ولا، ولا، ولا
ده اللي جاي بتاعي إيه ده، إيه ده، إيه ده
مش جاية بواسطة أنا، أنا، أنا جبتها بدراعي

الناس حبّاني
في قبول رباني وأنا،وأنا، وأنا
أنا شئ مش عادي يخربيت جمداني

من يومنا واحنا معلمين ده برغم أنف الحاقدين
سابقين عشان مميزين مالناش شبه مالناش بديل
الصحة فل وعال العال أبطال مايشغلناش عيال
فارقين عن كله ياض عشان ثقال، ثقال على الثقال

قبل أما بس تقول يا نكش هو إنت فين مشوفتلكش
ملكش فيها ياض بجد بلاش يا واد تعمل لي وحش
متجيش معانا عشان مفيش روح عشان متتأذيش
إحنا الخطر خطر عليك منهبش لو قصادنا جيش

جرب تنافسنا إيه ده، إيه ده، إيه ده
هتشوف تنفيذنا ولا، ولا، ولا
ده اللي مميزنا إن إحنا كاريزما
إيه سابقين كالعادة أوه جامدين بزيادة
إيه ده، إيه ده، إيه ده سايقين بهوانا ومحدش عدانا

منهبش حد أو نخاف واحد منا بسبع تلاف
من غير ما نقول الكل شاف هنا الكلام على اختلاف
صدقني الروس متتساواش سعرنا غالي إنتوا ببلاش
وفّر ريأكشن الإندهاش عشان لسه الثقيل مجاش

بنغيب نغيب لكن نعود بتكن ياض كل القرود
ورثنا هيبة الأسود دمنا إحمي من البارود
قلبي أبيض بس اللي يخيب في ثانية يتعامل غريب
أنا حقي باخذه مش بسيب ماليش كاسر ماليش كبير

أنا جامد جدًا أنا، أنا، أنا
أبًا عن جدًا إيه ده، إيه ده، إيه ده
تندب مين يا سطا ولا، ولا، ولا يابني إنت بتحلم
أوه طول ما أنا ياض فيها أوه مالكوش حاجة فيها
إيه ده، إيه ده، إيه ده أنا عم الجيهة والبلد واللي فيها

لو كلها خابت ولا، ولا، ولا
ده حيفضل ثابت إيه ده، إيه ده، إيه ده
أخويا اللي بحبه أنا، أنا، أنا محمود القائد
أوه شقي اللي صافي لي أوه صاحبي ده وزميلي
أنا، أنا، أنا وهو في حتة لوحده أبو يحيا اللي باقي لي