إبراهيم فايق يشيد بفيلم برشامة: مكتوب حلو وكل حاجة مظبوطة
أشاد الإعلامي الرياضي إبراهيم فايق بفيلم “برشامة” بطولة الفنان هشام ماجد.
وكتب إبراهيم فايق في منشور له عبر صفحته على فيس بوك: فيلم برشامة ممتع ومضحك ومسلي وفيه كل اللي انت بتدور عليه علشان تفك دماغك لمدة ساعتين، بحب هشام ماجد علشان بيحب العمل الجماعي، وأنا منحاز طول الوقت لأي فنان او مبدع بيشتغل بالطريقة دي.. عايز ينجح وينجح كل الناس اللي معاه.
وأضاف: “الفيلم معمول حلو ومكتوب حلو، والشخصيات مرسومة سهلة وتحس انك اتعرفت عليها كفاية وشايف تاريخها قصادك فقادر تتفاعل معاها.. وبأمانة شديدة يعني اي عمل عليه اسم الديابية بالنسبة لي مضمون.. شيرين وخالد دياب بيكتبوا وهم شايفين الفيلم ورد فعل الناس، فكل حاجة مظبوطة وكل افيه طالع من موقف زي كل نجاحتهم.. فكرة الكتابة مع الإخراج بتساعدك لو عندك ميزان مظبوط زي خالد دياب، مبروك النجاح الكبير يا هيش تستحقه انت وريهام عبدالغفور ومصطفى غريب وحاتم صلاح وباسم سمره وكمال أبو رية وعارفة عبدالرسول وميشيل ميلاد”.
أفلام عيد الفطر
وتتنافس ثلاثة أعمال سينمائية على كعكة إيرادات أفلام عيد الفطر السينمائي، بشباك التذاكر.
ويتصدر هذه الأعمال فيلم برشامة الذى يحقق إيرادات كبيرة حتى الآن.
وتدور أحداث "برشامة" خلال يوم امتحان اللغة العربية في لجنة الثانوية العامة منازل، حيث تتشابك مصائر مجموعة من الشخصيات وسط فوضى وفساد وغش جماعي، يحاول بعض الأهالي مساعدة أبنائهم على الغش بطرق مختلفة، في إطار كوميدي ساخر، ما يمنح الفيلم طابعًا مرحًا ومميزًا.
يشارك في بطولة الفيلم: هشام ماجد، ريهام عبدالغفور، باسم سمرة، مصطفى غريب، حاتم صلاح، والعمل من الفيلم من تأليف شيرين دياب، خالد دياب، وأحمد الزغبي، وإخراج خالد دياب.
