سعد الصغير: شوفت بوسي بتضرب جوزها بالشبشب ورفضت تسامح أبوها (فيديو)
سعد الصغير وبوسي، رد الفنان الشعبي سعد الصغير، علي اتهامات المطربة الشعبية بوسي له، قائلا:"انت مدفعتش لأبوها فلوس علشان أحاربها، وأنا واقف معاها بقالي 10 سنين".
قصة سعد الصغير مع بوسي
وأضاف خلال لقائه ببرنامج "العرافة" المذاع علي قناة "النهار":"كل اللي طلبته من بوسي إنها تكلم أبوها وتقوله أنا مسامحاك ومتطلعش في التليفزيون وتقول إنها اللي جبتله الحاجات بتاعة تجهيز الشقة".
مشكلة بوسي مع والدها
وتابع:"بوسي رفضت تسامح أبوها، واللي انا عرفته إن والدها عذبها عذاب الدنيا بس هو برضو أبوها وكان محتاج 4000 جنيه علشان يعمل عملية في عينه، انا وقفت مع أبوها علشان احنا كنا عائلة وكنا أكتر من الإخوات لما كنا شغالين مع بعض في شارع الهرم".
إيصالات الأمانة الخاصة ببوسي
ولفت:"انا باروح لبوسي وهي عليها 30 إيصال أمانة، وطليقها الراحل فطين كتفته وجابته وضربته بالشبشب علي وشه، هو ظلمها بس مينفعش تحبسه كانت تقوله اتكل علي الله وتسيبه، هي لما حبسها رفع عليها قضية".
قضية طليق بوسي
وأشارت:"فطين لما كانت بوسي في الشرقية مضاها 30 وصل أمانة وبعد لما اشتهرت وجت شارع الهرم قالت له أمك في العش ولا طارت، وبعد كده حبسته ولما حبسته اضطر يقدم ايصالات الأمانة".
في لقاء سابق بنفس البرنامج، علقت بوسي علي قصة سعد الصغير وسر اهتمامه بوالدها قبل وفاته، علقت بوسي: "أنا معرفش هو عايز مني إيه، وسمعت مرة إنه اتجوزني وده مش صح طبعا، وعايز أسأله أنت عايز مني إيه وبتحاول تعمل شو ولا بروباجندا ليه؟ أنا لحد دلوقتي عاملة بالعيش والملح وإننا كنا أصحاب وإخوات زمان وبقوله ليه مركز في حياتي أكتر مني وبتصدق يطلع على أي كلمة".
مشكلة والد بوسي
وأكدت: "عمري ما قصرت مع أبويا، والدي للأسف عمره ما كان معانا في حياتنا وكانوا بيستغلوه ضدي وبيدفعوا فلوس ويتكلموا معاه علشان يحاربوني به، أبويا كان طماع وكلمته كتير وقلت له بلاش فضايح وأديله فلوس تاني يوم يقول بنتي رامياني ومش بتصرف عليا، أنا منعت الفلوس عنه لما طلع قال بنتي بوسي مش بتصرف على وأنا معملتش فيه حاجة وحشة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
