بيومي فؤاد: مراتي عملت كنترول علي وبقت تنزل معاي الشغل وهذه نصيحة الزعيم عادل إمام لي
بيومي فؤاد، قال الفنان بيومي فؤاد: "مراتي قررت تحافظ بقت تنزل معايا الشغل وما بتسبنيش لحظة وبنقعد نتناقش في الأعمال وتخليني يبقى عندي وقت أنام واختار الأعمال اللي مش مكررة".
نجومية محمود المليجي
وأضاف بيومي فؤاد خلال لقائه ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "أنا لا نجم ولا عايز أبقى نجم ولا عايز أبقى بطل، ومحمود المليجي عمره ما كان بطل لكنه نجم كبير بالنسبة لنا".
بديل حسن حسني
وتابع: "بيومي فؤاد مش بديل حسن حسني، مع احترامنا لأستاذنا الله يرحمه اللي اتعلمنا منه لكن كل واحد له طعم وشكل وبصمة ولون مختلف".
مدرسة سمير غانم وسعيد صالح
ولفت: "أكتر مدرسة كوميدية قريبة ليَّ شخصيًّا سمير غانم وسعيد صالح لإن ما عندهمش حسابات في الكوميديا اللي هي العشوائية الكوميدية، كوميديا محمد صبحي مدروسة وعادل إمام مدرسته محسوبة، إنما سمير غانم وسعيد صلاح كوميديا بلا منطق وسايبين إيديهم".
نصيحة الزعيم عادل امام
وأشار الفنان بيومي فؤاد: "الزعيم عادل إمام نصحني وقال لي: "يلا خلي لأ بقوة آه لما توافق على حاجة بقوة لازم لما ترفض حاجة تانية بقوة الموافقة".
مشهد كوميدي لبيومي فؤاد
وعن أكثر مشهد يحبه لنفسه، قال: "عندي المشهد بتاع مسلسل خيانة عهد، لما بتكلم عن مسألة الكولدير اللي هنعمله للولد اللي توفب وأنا انبسطت لما شُفت نفسي للمشهد ده لإنه كان حقيقي".
وتابع بيومي فؤاد: "بحب مشهد يا كبير أمك حامل في مسلسل الكبير أوي، وأنا حبيته جدًّا وبيضحكني".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
