سما المصري توجه رسالة بالدموع إلى مرتضى منصور (فيديو)
سما المصري، قالت الفنانة سما المصري: "أنا كنت جوا السجن مش بعمل مشاكل لإن كان عندي قضايا كتير مش بس الـ3 اللي اتحاكمت فيهم وكان عندي 20 قضية تاني رفعهم المستشار مرتضى منصور".
مرتضى منصور يتنازل عن الدعاوى القضائية ضد سما المصري
وتابعت خلال لقائها ببرنامج "قعدة ستات" المذاع على قناة "اليوم": "أحب أوجه للمستشار مرتضى منصور الشكر لإنه اتنازل عن كل القضايا اللي كان رافعها ضدي وعددهم 20 قضية السب والقذف".
قضايا سما المصري
وأضافت: "اتحاكمت في 3 قضايا بعيدة عن المستشار مرتضى منصور، والقضايا بتاعته هو اتنازل لي عنهم، رغم إنه أكتر واحد تصادمت معاه وعملت معاه مشاكل، فأنا بشكره وبعتذر له وكتر خيرك أنت طلعت أجدع من ناس كتير أوي أنا عرفتهم، وفيه ناس كانوا رافعين عليَّ قضايا وما اتنازلوش".
إنسانية مرتضى منصور
ولفتت: "ما كنتش متوقعة إن المستشار مرتضى منصور يتنازل ولو عن قضية واحدة لكنه اتنازل عن كل القضايا، وما أعرفش إذا كان حد اتوسط ولا لأ، لكن هو كان له مقولة بيقول أنا ما أحاربش الفارس لما يقع من على حصانه وأنا لما وقعت اتنازل لي عن القضايا اللي كان رافعها ضدي".
ندم سما المصري وبكائها
وأكملت سما المصري باكية: "غلطت في حق المستشار مرتضى منصور وفي حق نفسي وأهلي وناس كتير أوي، أنا كنت أفورت أوي ومش عايزة أفتكر الفترة اللي قبل كدا لإني بتضايق و3 سنين ونص كتير يحسسوني إني قد إيه غلط وكفاية بعدي عن أمي وما كنتش عارفة إذا كنت هرجع أشوفها ولا لأ، ودي اللي كانت مقطعة جوايا، وفي السجن حسيت قد إيه إني غلطانة وظلمت أمي وأختي وأهلي وظلمت نفسي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
