بسمة وهبة: رسالتي بالعبرية وصلت إسرائيل واللي غيران مننا يعمل زينا (فيديو)
بسمة وهبة، قالت الإعلامية بسمة وهبة: "هناك مخطط لتدمير غزة، وقصف المساجد والكنائس بالقطاع وإزهاق أرواح الفلسطينيين والاستيلاء على القطاع، واستخدام الأسلحة المحرمة دوليا من العدوان الإسرائيلي ضد الأطفال والنساء والرضع".
قرار بسمة وهبة
ولفتت خلال لقائها ببرنامج "90 دقيقة" المذاع على قناة "المحور": "الناس اللي مش عاجبها لغتي في العبري قررت أتكلم بالعربي علشان مضايقش حد وأجيب حد يقولي اللي بقوله بالعبري".
رسالة بسمة وهبة تصل الي إسرائيل
وتابعت: "الغريب أن اللي هاجموني ومعجبهمش إني اتكلمت بالعبري حساباتهم على السوشيال ميديا مزيفة إذن دي حملة ممنهجة من مين مش فارق معايا ومش مهم بس الرسالة بتاعتي أهم حاجة إنها وصلت لـ إسرائيل واللي مش عاجبه يعمل زينا واللي غيران مننا يعمل زينا، والله ما ندمت لحظة إني عملت كده لما اتكلمت بالعبري واللي هاجموني وسخروا مني في منتهى السخافة ولا يسوى حاجة لإنهم مركزوش في الحدث ولا المشكلة اللي تدمي قلوبنا بشأن أهلنا في غزة".
في هذا السياق، قالت بسمة وهبة في استوري عبر حسابها بموقع إنستجرام: فيه مصيبة هعلن عنها النهاردة في برنامجي 90 دقيقة وكارثة سودا هطلع أقولها وأجري على الله، أقولها بالعبري علشان يعرفوا إننا كشفناهم ولا مصري وإحنا بس اللي نسمعها.
فيما علقت بسمة وهبة على الانتقادات والسخرية التي تعرضت لها مؤخرًا بعد حديثها باللغة العبرية في برنامجها، وتوجيها رسالة إلى إسرائيل، إذ كتبت في ستوري عبر حسابها بموقع إنستجرام: أنا مصرية ولغتي عربية، معرفش عبري، حاولت أتكلم عبري زي الناس اللي بتفك الخط في الإنجليزي، أنا بفك الخط في العبري.
وأضافت بسمة: إيه اللي مضايقكم، ما كل واحد يبص في ورقته، اللي غيران مننا يعمل زينا، أنا وصلت لكل المنصات اللي في إسرائيل، مضايقين من كده عشان كده عاملين لجان سخافة، مشوفتش أكتر من كدة سخافة وحقد وغيره، موتوا بغيظكم، فاضيين أوي ورايقين أوي، ونسينا أهلنا في فلسطين، بجد فاضيين وحقودين ومنفسنين، حاولوا تركزوا في مذابح غزة بدل ما تركزوا في لغتى، وأنها لازم تكون متقنة، لا بجد شاطرين أنتوا أوي أجندة رسمي بس طظ فيكم وهستمر ولا يفرق.
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار ، أسعار اليورو، أسعار العملات، أخبار الرياضة، أخبار مصر، أخبار اقتصاد ، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة و السياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
