غادة عبد الرازق تبكي، ومنى الشاذلي تعلق: ضيوفي جايين معيطين جاهزين (فيديو)
غادة عبد الرازق، وجهت الإعلامية منى الشاذلي، رسالة للجمهور بعد حملات الهجوم عليها بأنها تصطنع إبكاء ضيوفها، قائلة: "اللي كل اللي بيقول اني بخلي الضيوف يعيطوا هما جايين معيطين جاهزين".
بكاء غادة عبد الرازق
وبكت الفنانة غادة عبد الرازق خلال برنامج "معكم" المذاع على قناة "أون"، متأثرة بالأجواء في الاستوديو، لتعقب منى الشاذلي: "أنا لسه ماتكلمتش يا غادة".
أداء غادة عبد الرازق التمثيلي
ولفتت منى الشاذلي: "ايه الأداء ده يا غادة عبد الرازق الحلقة دي ودية جدا واللي بيتفرجوا على أدائك المرعب بيقولوا اما الست دي سيكوباتية يا اما تبقى بجد مرعبة في موهبتها التمثيلية"، لتعقب غادة: "لما بمثل بمكونش واخدة بالي بأدائي التمثيلي ولكن بتأثر بنفسي لما اتفرج".
في نفس اللقاء، كشفت الفنانة غادة عبد الرازق، عن معاناتها مع الأطباء النفسيين، وأغرب انتكاسة حدثت لها بسبب طبيب نفسي، موضحة: "دكتور كبير في السن وعظيم لقيته بيلف بالكرسي فقلت يمكن حاجة وقعت منه وبعدين لقيته بيقولي احكيلي فلقيته بيلعب في الأجندة وبيشوف موبايله وبيفتح الدرج وبيعمل حاجات لا تدل على اتزانه وبعدين لقيته بيقولي مش هتعملي حاجة خدي الأدوية وتعاليلي بعد شهر ويلا امشي امشي فحسيت انه متوتر وبعدين وأنا خارجة لقيته متوتر ولما خرجت قلت للبنت الممرضة قلت لها بلغي عن الدكتور".
Advertisements
انتكاسة غادة عبد الرازق
وأضافت: "أخدت الأدوية بتاعت الدكتور الفسي واتنكست الساعة 2 بالليل كنت هاعمل جريمة في نفسي، هايبرت وايديا بتترعش جابولي الدكتور بتاعي وقالهم الأدوية دي بتأثر على المخ".
مشكلة غادة عبد الرازق مع دكتور نفسي
ولفتت غادة عبد الرازق: "المرة التانية لانتكاستي مع الدكاترة النفسيين، من 10 سنين كنت رايحة لدكتور أسنان، فلقيت حد فاتح عيادة طب نفسي فقلت العيال شكلها شيك والدكتور بتاعهم اكيد كويس، فقلت له يا دكتور ممكن تعدي علي البيت فجالي بعدها بأسبوع، وأول لما اقعد علي الكنبة قلع الجاكيت راميه والشنطة بتاعته راميها، فقلت يمكن جاي ومخنوق وبعدين لقيته بيفتح الشنطة ياخد الدواء ويشرب مياه، فقلت له انت تعبان فقال لي مين في الدنيا مش تعبان فقال لي أصل أنا عايز أطلق مراتي".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار ، أسعار اليورو، أسعار العملات، أخبار الرياضة، أخبار مصر، أخبار اقتصاد ، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة و السياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
