شيرين تكشف عن اسمها الحقيقي وتروي قصة معاناة تسميتها (فيديو)
الفنانة شيرين، قالت الفنانة شيرين: "اسمي الحقيقي أشجان وأنا اللي اخترت اسم شيرين اللي اتشهرت به فنيًّا، علشان أول عمل كامل كنت بعمله كان اسمه “عيون الحب”، مع كمال الشناوي وسناء جميل، وكنت بعمل بنتهم، وكان فيه مجموعة كبيرة من الفنانين".
قصة اسم الفنانة شيرين الحقيقي
وتابعت خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "محتفظتش بإسمي أشجان علشان كنت مخضوضة جدا منه، وزعلانة وزعلت من بابا علشان سماني أشجان، أستاذ العربي ذنبني 3 حصص علشان يدي محاضرة في اسمي، وسألني قد كدة بابا زعلان إني جيت في الدنيا، فسماني أشجان.. وأشجان يعني أحزان، فرُحت لبابا وقلت له غيرلي إسمي".
معاناة والد شيرين في تسميتها
وأكملت شيرين: "بابا راح لمدرس العربي وقال له أنا قعدت 3 شهور اسميها وكل لما أكتب اسم وأروح أسجله يلاقي حد طالب شهادة وفاة فيتخض وكان عنده توأم قبلي توفوا فكان يرجع وبعدين عمي قال له لازم تكتب الاسم فالست أم كلثوم غنت حاجة وأشجاني فعجبه الاسم وسماني أشجان".
قصة أشجان وشيرين
وتابعت: "أنا مش بحب حد يندهلي بأشجان، وكانت والدتي الله يرحمها بتقولي أشجان لغاية لما وإحنا بنعمل مسرحية المتزوجون وماشية داخلة المسرح وهي معايا فبتقولي أشجان قلت لها مش هرد عليكي يا ماما معلش فقالت لي ليه مردتيش فقلت لها علشان أنا مش أشجان".
ونقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
