آخر تطورات الحالة الصحية لمدير أعمال تامر حسني بعد تعرضه لحادث سير
كشف تامر يحيى، مدير أعمال الفنان تامر حسني آخر تطورات حالته الصحية وذلك بعد نجاته من من الموت في حادث سير مروع، أدى إلى تحطم سيارته بالكامل.
آخر تطورات الحالة الصحية لمدير أعمال تامر حسني
وقال تامر يحيى في تصريح خاص لـ فيتو إنه يعاني في الوقت الحالي من انتفاخ في الوجه نتيجة الصدمة التي تعرض لها، بالإضافة لكسر في أنفه، مقدما للشكر لكل من سأل عنه.
ونشر تامر يحيى، عبر حسابه الشخصي على فيس بوك، تفاصيل الحادث الذي أدى لخسائر فادحة بالسيارة، وكتب: "مافيش كلام ينفع يتقال غير الحمد لله وبشكرك يا رب علي كل حال وفي كل حال ومن أجل كل حال وعلي كل تجربة صعبة انت بتحطني فيها علشان تفكرني دائما بوجودك في حياتي وبتكون رسالة سواء أنت بتحبني وبتفديني من حاجة أكبر كان ممكن تحصل ليا أو لحد غالي عندي أو بتكون عايز تفكرني أن فيه خطأ في حياتي محتاج انتبه ليه واصلحه والحمد لله أنا عندي إيمان شديد بتجارب ربنا ونعمه الكبيرة في حياتي".
مدير أعمال تامر حسني يتعرض لحادث سير
وأضاف: "أنا ومحمد السواق اللي معايا ربنا نجانا من الموت امبارح في حادثة من أكبر الحوادث اللي عملتها في حياتي. وإحنا راجعين امبارح من العلمين الساعة ١.٣٠ ظهرا فجأة ظهرت عربية نقل قدامه واقفة في نص طريق وادي النطرون في الحارة الثالثة وهو كان قبلها بثواني بيحاول يشغل حاجة في الشاشة اللي قدامه فمكانش في كامل تركيزه علي الطريق وما قدرش يتفاداها،العربية هربت من موقع الحادث بسرعة علشان عارف طبعا إنه غلطان وأنا ومحمد ما قدرناش ننزل من العربية غير بعد تقريبا ربع ساعه علشان الدم كان مغرق العربيه والمشكله اللي عقلي مش قادر يستوعبها انه ازاي مافيش ولا air bagفتحت ؟ انا مش هقدر اعدي الموضوع ده من غير ما الاقي اجابه فنيه ليه لاني لو عرفت انه ده خطا فني في اللي برمج السوفت وير او ركب السينسورز انا مش هسيبه الا لما اسجنه لانه كان حياتي هتنتهي او اعيش بتشوهات في وشي طول عمري بسبب عدم فتح اي air bag".
واستكمل: "أنا حصلي نزيف جامد بسبب كسر في مناخيري وقطع اخذ ٨ غرز وقطع داخل الفم اخذ ٣ غرز وشرخ في الساق وغاليا هعمل عمليه في مناخيري بعد ٥ ايام،محمد السائق الحمد لله كان حاطط حزام الأمان فربنا انقذه وكل اللي فيه مجموعه كدمات،النقل هرب من موقع الحادث "
واضاف: “ قعدت ساعه ونص تقريبا بدون مساعدة، ساعه ونصف وأنا بنزف في طريق دولي عدي عليا حوالي اكتر من ٥٠٠ عربية لكن للأسف ولا عربية فكرت تقف تشوف فيه ايه وغاليا من بشاعة منظر عربيتي الناس افتكرت اني اللي جواها اكيد ماتو لانه طبيعي لو أي عربية تانية مش بقوه Range Rover كان استحالة نحرج منها عايشين”.
