شقيقة وجدي العربي تتبرأ منه بعد شماتته في وفاة نجل حسن يوسف: باع وطنه وسود وشنا (فيديو)
ابن حسن يوسف، تبرأت ألفت العربي، ابنة الفنان الراحل عبد البديع العربي، من شقيقها وجدي العربي بعد شماتته في وفاة نجل الفنان حسن يوسف والفنانة المعتزلة شمس البارودي.
شماتة وجدي العربي
وقالت ألفت العربي خلال مداخلة هاتفية ببرنامج "90 دقيقة" المذاع على قناة "المحور": "كلمة أخويا كبيرة أوي ووجدي العربي ما يستحقهاش، وأتقدم بخالص العزاء لأخويا الكبير الفنان القدير حسن يوسف وزوجته الفاضلة الحاجة شمس البارودي، وأنا اتولدت لقيت حسن بيقول لوالدي يا بابا وكنا عائلة واحدة لما كنا عايشين في بيتنا بالسيدة زينب".
نجومية حسن يوسف
وأضافت: "حسن يوسف لما ربنا كرمه وابتدا نجمه يلمع وانتقل إلى مصر الجديدة حسيت في اللحظة دي إننا عائلتين مش عائلة واحدة، ووالدته ووالدتي الله يرحمهم كانوا يبكون بكاءً حارًّا على فراقهم وانتقالهم بعيدًا عن منزلنا، وكان فيه وقتها أغنية خسارة خسارة فراقك يا جارة، يشغلوها ويبكوا لإننا كنا جيران في نفس البيت".
بروفات حسن يوسف
وتابعت: "بابا لما كنا في السيدة زينب، كان بيجيلوا البيت كبار الفنانين، وكان وقتها حسن يوسف بيتسلل ويحاول يسمعهم يقلد البروفات اللي بيعملوها، وقتها بابا حس بموهبته وابتدا يهتم به ولكن عم يوسف مسك أبويا وقال له اسمع يا بديع أنت هتبوظ الواد بالتمثيل اللي أنت بتعمله ده فبابا قال اسمع يا حسن لو ما نجحتش بتفوق في المدرسة مش هخليك تحضر البروفات".
قصة حسن يوسف مع عبد البديع العربي ومشكلة وجدي العربي
وأشارت:"عبد الله حسن يوسف اللى توفي وكإنه ابني اللي توفي وأنا لو في صحتي قادرة إني أروح وأطيب بخاطرهم وأواسيهم وأبقى جنبهم كنت رُحت، بس ربنا أقوى من الكل ويطبطب عليهم ووعدهم بالجنة وابنهم دا شهيد، أما حتة الشماتة من وجدي العربي هنقول إيه من واحد باع وطنه وأهله وناسه وراح قعد في بلد مش بلده، كل حاجة في الدنيا مثل الأم البديلة أو الأب البديل إنما عند الوطن مفيش يا إما مواطن صاحب أرض أو لاجئ في بلاد الغربة".
وتابعت: "مصر بالنسبة لي ترابها الواحد يتكحل به واحنا قيمتنا إيه في الدنيا من غير وطننا، للأسف ربنا ابتلانا بوجدي العربي وربنا يعينني عليه لإنه هو مسود وشي مع كل الناس وأنا لا أتابع برامجه واعتبرته مش في حياتي ولا أخويا وأنا متبرئة منه من سنين طويلة، ياما يا وجدي العربي عملت في شبابك اللي ما يتعملش من شقاوة الشباب وكنت أتمنى يكون عنده شوية دم ويبعت برقية عزاء وكلمتين مواساة لأخويا الكبير حسن يوسف، اصحَ بقى وعيش الواقع وفوق لنفسك وسيبونا في حالنا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
