نتيجة الثانوية العامة 2023، النشطاء يقدمون تجارب ناجحة لأصحاب المجاميع الضعيفة
نتيجة الثانوية العامة 2023، قدم نشطاء مواقع التواصل الاجتماعي نصائحهم لطلاب الثانوية العامة، وخاصة للذين لم يحالفهم الحظ في نتيجة الثانوية العامة هذا العام.
تجارب النشطاء مع نتائج الثانوية العامة
وعن نتيجة الثانوية العامة 2023، أكد نشطاء مواقع التواصل الاجتماعي أن نتيجة طلاب الثانوية العامة لا تعني إنتهاء الأمل، ولكن باب الأمل في التفوق في الحياة لا يزال مفتوحا على مصراعيه أمام كل من لم يحالفه الحظ في نتيجة الثانوية العامة.
حكى الكاتب والشاعر بولا وجيه عن تجربته في الثانوية العامة فقال: "بمناسبة نتيجة الثانوية العامة، من ٦ سنين كنت بقوله يارب هي كدة باظت خلاص مفيش أمل؟! لما جبت مجموع مكانش أحسن حاجة. وكانت إجابة ربنا وقتها: "ٱلرَّجَاءُ لَا يُخْزِي". علشان بعد ٦ سنين ابقى محقق أكتر من اللي كنت بحلم بيه، كان نفسي أكون صحفي بقيت كاتب… وليا أكتر من كتاب."
وقال بولا وجيه: "متفتكرش أن النتيجة يا صديقي هي نهاية القصة، هي مجرد حلقة في خطة الله لحياتك، وخطة ربنا دايمًا بتكون الأصح والأنسب لحياتك"
نصيحة لأولياء أمور الطلاب مع إعلان نتيجة الثانوية
وقدم مستر وليد بشرى نصيحة لأولياء أمور الطلاب مع إعلان نتيجة الثانوية العامة 2023: "أهالي طلاب الثانوية العامة أحسِنوا إستقبال قدر الله وإختياره.. فالدنيا مليئة بسعداء وعظماء ليسوا مهندسين ولا أطباء"
وعن نتيجة الثانوية العامة 2023، قال عصام شهاب: "الثانوية العامة بداية الحكاية مش نهايتها. لسة في طريق طويل مليان ورد وبرضو مليان مطبات لكل صاحب حلم قرر يختار إنه يبقى مؤثر مش مجرد كمالة عدد ويعمر الكون ويسيب بصمته على جبين الكوكب. مش لازم تأخد نوبل ومش لازم تبقي public figure بس"
أما آلاء سليمان فنصحت أولياء الأمور قائلة: "فرحوا أولادكم يا جماعة وافرحوا محدش هيفتكر أنت جبت كام في الثانوية بس هيفضلوا فاكرين أنت وصلت فين بعدها وبقيت أيه.. الثانوية العامة مش نهاية الدنيا ولا معني أنك جبت مجموع عالي أنك كدا زي الفل علشان دخلت طب وهندسة ممكن يبقي دكتور فاشل يموت المرضي ممكن يبقي مهندس فاشل يكون سبب في بيوت تتهد تموت اللي فيها، وعلي الجانب التاني واحد دخل آداب علم نفس واشتغل علي نفسه وبقي سبب في انه يعالج ناس مرضت نفسيا وراتبه في الجلسه بـ ٣٠٠ و٤٠٠ جنيه يعني في الشهر ممكن يوصل ضعف مرتب الدكتور والمهندس.."
وأقرأ أيضًا: رابط نتيجة الثانوية العامة 2023 بالاسم ورقم الجلوس رابط مباشر
لينك مباشر، ظهور نتيجة الثانوية العامة 2023 بالاسم من خلال موقع فيتو
باب أمل جديد لأصحاب المجاميع الضعيفة
وقالت آلاء سليمان "حد هييجي يقول دا كان جايب في الثانوية العامة٦٠ و٧٠ % لا هيبقي أي دكتور مشهور وشاطر غير دعاء الناس ليه مش معني أن درجتك قليله أنك قليل لا أنت لسه تقدر تكمل لسه عندك حلم جديد في عندك باب جديد هيتفتحلك هتلاقي نفسك فيه مبروك لكل اللي نجحوا فخورة بيكم كلكم أيا كانت النتيجة أيه افرحوا وانبسطوا وهونوها علي نفسكم وافتكروا كويس ان ربنا مش بيضيع تعب حد سعي واجتهد وعمل اللي عليه".
أما سمر عادل فقالت: "أنا حقيقي قلبي حزين على كل حد اجتهد والمجموع خذله وخطف حلم حياته فى غمضة عين أول سنه أتأثر بالنتيجة كدا وكأنى رجعت تانى هناك وافتكرت كل الضغط النفسي والعصبي اللى مريت بيه.. فالسنه دى لغاية ماربنا أكرمنى وبقيت دكتورة وحققت حلم أمى اللى لولاها كان ممكن مدخلش ثانوية عامه اصلا.. لكن الثانويه العامه فى مصر مبقتش مقياس للاجتهاد.. بقت لعبة لصالح الجامعات الخاصه..."
يوم مهم في حياه طلاب الثانوية العامة
وقالت سمر "من خلال متابعتي لكام طالب وطالبه على مدار السنه بحكم صداقه أو قرابه أو جيرة.. شوفت بعينى أنهم قضوا ١٢ شهرا بين الكتاب والدروس واعتزلوا العالم ونسوا حياة الناس الطبيعية.. وفالآخر التمن بخس جدا والمجموع لايغنى ولا يسمن من جوع.. المؤمن كل أمره خير والنجاح الحقيقي أنك تنجح فى اى مجال ربنا اختارهولك وترضى عن نفسك وتبطل تجلدها، أعرف ناس مدخلوش كليات قمه وأثبتو نفسهم ووصلوا فيها للقمة..."
وعلقت نور أمين سلامة "بمناسبه أن النهاردة يوم مهم في حياه ناس كتير، يوم نتيجة الثانوية العامة اللي من الخطأ أن حياه ناس توقف عليه ودي مبتبقاش الحقيقة. اختيار ربنا حتى لو مش حبيته ببقي فيه خير ا حنا مش شايفينيه دلوقتي كلمتك لابنك بدل متكسر خاطره... وإن كان عندك حلم أوعي توقفه على شهادة واقفه على مجهوده وكورساتك والسعي حتي لو مجالكش وبعدين في الحياه مش نهايتها ثانويه عامه حصلك نصيب ووصلت لحلمك افرح وأملي الدنيا اغاني محصلش نصيب ووصلت لحلمك تاني انسي جمله الجاهلين كليه قمه وكليه قاع".
حصريًّا عبر موقع (فيتو) نقدم لكم خدمات النتائج الدراسية على مستوى جمهورية مصر العربية، نتيجة الثانوية العامة 2023، نتيجة الدبلومات الفنية 2023، تنسيق الثانوية العامة 2023، تنسيق الدبلومات الفنية 2023، شروط القبول في الجامعات المصرية، تنسيق المعاهد والجامعات المصرية، تظلمات نتيجة الدبلومات الفنية 2023، تظلمات نتيجة الثانوية العامة 2023، تنسيق الدبلومات الفنية والحد الأدنى، تنسيق الشهادة الإعدادية 2023-2024، تنسيق القبول بالجامعات المصرية، تنسيق القبول بمدارس الثانوي العام 2023 ، الشروط والقبول بالجامعات والمعاهد المصرية ، تنسيق القبول بالمدارس الثانوية العسكرية.
