أمهات مصر يوجهن رسالة لأبنائهن قبل إعلان نتيجة الثانوية العامة
نتيجة الثانوية العامة 2023، وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، رسالة ومنشور لأولياء الأمور، قائلة: "قبل نتيجة الثانوية العامة.. إيه الرسالة اللي تحبي توجيها لابنك أو بنتك قبل النتيجة".
نتيجة الثانوية العامة
وانهالت التعليقات من جانب أولياء أمور طلاب الثانوية العامة، على صفحة اتحاد أمهات مصر للنهوض بالتعليم، في الفيسبوك، حيث قالت ولي أمر موجهة حديثها لابنها: "ربنا وضعلك طريق والأب والأم قاموا بتمهيد الطريق وأنت عليك أنك تمشى فى الطريق باستقامة علشان توصل بالسلامة".
وأضافت ولي أمر أخرى: "عملت اللى عليك وزيادة وأى مجموع أنا فخورة أنك ابنى، واتمنى كل أم يكون معها ابن زيك يا عمرى، ربنا يجبر بخاطرك ويراضيك ويكرمك على قد كرمه ويسعدك دنيا وآخره ودايما تكون بار بيه، بحبك قد الدنيا وما عليها".
واستكملت ولي أمر أخري: "هقول لابني انا فخوره بيك مهما كانت النتيجة أنت تعبت وبذلت مجهود كبير، ان شاء الله ربنا يجبر بخاطرك ويفرحني بيك يا حبيبي قلبي"، وذكرت أخرى: "ربنا يكرمك يا ابني، عملت اللي عليك وأكتر مهما كان مجموعك انت بطل والله وبإذن الله ربنا هيجبر بخاطرك ولا يضيع تعبك".
وقالت ولي أمر: "انا فخورة بيك في كل الأحوال وعارفة أنك عملت اللي عليك وزيادة كمان، ولذلك عندى يقين بجبر خاطرنا من ربنا وبمجموع كبير كمان، وفي كل الاحوال هنسجد لربنا ونشكره وبرضو هنطلع حاجة لله".
وأضافت أخرى: "ربنا يراضيكي ويجبر بخاطرك يا بنتي انتي واللي زيك ويدخل الفرح بيتي يارب، اقولها انا راضيه بقضاء ربنا ايا كان هي اي ربنا كاتب لينا اي حاجه خير، طبعا انتي عملتي اللي عليكي انا فخوره بيكي ايا كانت النتيجة، كفايه مراحل الامتحانات اللي مريتي بيها تعب ومرض وعديتي بفضل الله كلو خير يارب".
موعد نتيجة الثانوية العامة 2023
وكشف مصدر بوزارة التربية والتعليم، أنه من المقرر أن يعتمد الدكتور رضا حجازي، وزير التربية والتعليم نتيجة الثانوية العامة خلال ساعات وإعلانها غدا الأحد.
وأوضح أن وزير التربية والتعليم سيهنيء أوائل الثانوية العامة مساء اليوم السبت استعدادًا لتكريمهم خلال مؤتمر إعلان النتيجة غدا بمقر الوزارة بالعاصمة الإدارية.
وأوضح أن قائمة أوائل الثانوية العامة هذا العام تجاوزت 33 طالبا وطالبة ليحصدوا مراكز أوائل الجمهورية هذا العام.
حصريًّا عبر موقع (فيتو) نقدم لكم خدمات النتائج الدراسية على مستوى جمهورية مصر العربية، نتيجة الثانوية العامة 2023، نتيجة الدبلومات الفنية 2023، تنسيق الثانوية العامة 2023، تنسيق الدبلومات الفنية 2023، شروط القبول في الجامعات المصرية، تنسيق المعاهد والجامعات المصرية، تظلمات نتيجة الدبلومات الفنية 2023، تظلمات نتيجة الثانوية العامة 2023، تنسيق الدبلومات الفنية والحد الأدنى، تنسيق الشهادة الإعدادية 2023-2024، تنسيق القبول بالجامعات المصرية، تنسيق القبول بمدارس الثانوي العام 2023 ، الشروط والقبول بالجامعات والمعاهد المصرية ، تنسيق القبول بالمدارس الثانوية العسكرية.
