6 رسائل من الفنانة إيناس عز الدين لـ رامي جمال بعد حديثه عن مشكلة عدم الإنجاب
رامي جمال، وجهت الفنان إيناس عز الدين، رسالة للفنان رامي جمال، بعد حديثه المؤثر بأن لديه مشكلة في الإنجاب، وأمنيته أن يصبح أبًا.
رسالة إيناس عز الدين لـ رامي جمال
وقالت إيناس عز الدين على صفحتها بـ "فيس بوك في رسالتها لـ "رامي جمال": "لا تدري ولا تعلم يا فنان ربنا حاش وشال عنك إيه ممكن يكون شال عنك طفل مريض تعيش عمرك كله بتتعذب بعذابه".
وأضافت: "ممكن يكون شال عنك طفل ييجي الدنيا يسرق قلبك وروحك ويتوفاه الله في غمضة عين قبل ما تلحق تشبع بيه، وممكن يكون شال عنك ابن عاق تعيش عمرك كله مقهور من قساوته، وممكن يكون شال عنك ابن يكبر قدام عينيك لحد ما تشوفه عريس ويتخطف في ثانية من بين إيديك قبل ما تفرح بيه".
واختتمت رسالتها قائلة: "ممكن حاجات كتير قوي ربنا حماك منها وأكيد عوضك عنها بحاجات تانية منها نجاحك وحب الناس ولسه كل ما هترضى أكتر وتحمده وتبقى على يقين إنه اختار لك الأفضل كل ما هيرزقك بخيره وفضله ونعمته أكتر وأكتر".
هل يعاني رامي جمال بسبب عدم الإنجاب؟
رامي جمال، قال المطرب والملحن رامي جمال: "إرادة ربنا ما بتتعاندش وعرفت إني عندي مشكلة في الإنجاب، ونفسي يكون عندي ابن يكمل اسمي بس من نعم ربنا إنه بيراضيني بكل حاجة وباشوف ولاد أحمد أخويا ولادي وولاد أي حد أعرفه من قلبي ولادي".
وأضاف خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "سبحان الله ما بقيتش أفكر في موضوع الإنجاب كنت اللي بخاف عليه مراتي ناريمان وخفت تكون مؤذية من الحتة دي، وقلت لها في مرة احنا بنعيش مرة واحدة مفيش وقت تعملي جدعة وتضيعي على نفسك حلم الأمومة الراجل ممكن يعيش عادي الست اتخلقت عندها الغريزة رقم 1 الأمومة، عمري ما هشوفك قليلة الأصل لو مشيتي بس هي زيي قالت لي كل أنواع الرزق بتيجي لكل شخص لوحده إلا الخلفة دا رزق مربوط لاتنين ولو مكتوب لي أخلف منك هخلف منك هخلف منك ولو مكتوب لي هيبقى منك ولو مش مكتوب لي مش هسيبك لإني ممكن اتجوز من شخص تاني وما خلفش فساعتها هبقى خسرت البني آدم اللي بحبه وفي الآخر هو حلم بسيط بالنسبة ما بقاش نفس التفكير بتاع زمان، وطالما ربنا شايف إني أحسن لي مفيش أنا راضي، وجايز أخلف ويتخطف أو يبقى عنده مشكلة أو يحصل له حاجة قبله، فلازم نفكر إزاي اتمنع والحمد مش في العطاء ولكن في المنع".
وأكمل: "والله من قلبي بقول يا رب أنا راضي والله بكل حاجة حصلت لي واللي يهمني إن اللي بحبهم يبقوا كويسين وما يبقاش الموضوع عامل مشكلة جوا أهلي أو مراتي، أتمنى ميبقاش حد متضايق ليَّ لإني مش متضايق ومش الحلم الرهيب".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ،أسعار العملات ، أخبار الرياضة ، أخبار مصر، أخبار الاقتصاد، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
