وفاء عامر: ستات مصر حاميين شطة (فيديو)
وفاء عامر، قالت الفنانة وفاء عامر:"لو هنتج فيلم هيكون نفسي اجمع محمد هنيدي مع رامز جلال وعلاء مرسي وإسلام ابراهيم".
دور تحلم به وفاء عامر
وأضافت خلال لقائها ببرنامج "اسألني" المذاع علي قناة "سي بي سي":"من حظي إني اشتغلت مع الزعيم عادل إمام، وأحب أجسد سميرة موسى عالمة الذرة علشان أكون جسدت شخصية الملكة والراقصة والفنانة تحية كاريوكا".
شخصية الملكة نازلي
وتابعت:"من خلال معايشتي لشخصية الملكة نازلي هي كانت ظالمة ومظلومة ولو بحكم عليها اجد انها ظلمت الملك فاروق".
حقيقة تفكير وفاء عامر في الاعتزال
وأكملت:"فكرت في الابتعاد خالص عن الوسط الفني مش قصة الاعتزال بس، بس لقيت ان رجلي، وانا عندي حتة ساعات بصحي من النوم بقول ايه اللي جابني من الاسكندرية وليه بقيت ممثلة".
ميزة المصريات
وتابعت:"مقدرش اغير حاجة في ستات مصر لإنهم اطعم حاجة في العالم تلقائيتهم حلوة هزارهم حلو خناقهم حلو شكلهم حلو وحاميين شطة، وصفة بتكرهها الستات في الرجالة عموما الكدب والبخل".
حقيقة عمليات تجميل وفاء عامر
وأكدت الفنانة وفاء عامر:"عمري ما عملت عمليات تجميل وحاجة بحبها في شكلي شعري المجعد، ولو مكنتش ممثلة كنت احب أبقى تيك توكر، واكتر اسم دلع بحبه فوفي"
في وقت سابق، قالت الفنانة وفاء عامر: "لو الست جوزها خانها هي اللي غلطانة لأنها معرفتش تختار الراجل اللي يحافظ عليها، وغلطانة لأنها كمان معرفتش تختار أب لأولادها".
مشكلة الزوجة حال خيانة زوجها لها
وأضافت خلال لقائها ببرنامج "الستات مايعرفوش يكدبوا" المذاع على قناة "سي بي سي": "الست تبقى غلطانة لو طلبت الطلاق لما تعرف بخيانة زوجها لأن البيت كده هيتهد بسببها وهيبقى فيه ولاد مشردين ومعقدين".
إهمال الزوجة لزوجها بابا للخيانة
وتابعت وفاء عامر: "الست اللي جوزها يخونها هي اللي غلطانة لأنها سابته يخرج منها ومكنتش عارفة كل تفاصيله".
في وقت سابق، قالت الفنانة وفاء عامر: "كنت بفتش في تليفون جوزي زمان، وبعدين توقفت علشان لقيت الدين بيقولي لأ مينفعش تعملي كده".
سبب طلاق الزوجة
وأضافت خلال لقائها ببرنامج "كلام الناس" الذي تقدمه الإعلامية ياسمين عز بقناة "إم بي سي مصر": "مينفعش الست تدور وتفتش وتنكش على النكد، ممكن تروح للمأذون وتطلق بسبب التليفون".
حكمة وفاء عامر مع زوجها
وتابعت: "ليه أقول لجوزي جارتنا وهي طالعة قالت لك إزيك عامل إيه وانت ابتسمت وقلت الحمد لله؟ مينفعش اسأله من الأساسي، الراجل مبيحبش الست الزنانة هو بيوصل ساعات لمرحلة إن عنده خرس نتيجة النكش على المشاكل".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
