اتهامات وتهديدات، تفاصيل أزمة رامي صبري مع عمرو مصطفى بسبب حذف أغنية يمكن خير
عمرو مصطفى، تصدر اسم النجمان رامي صبري وعمرو مصطفى خلال الساعات القليلة الماضية، مؤشر البحث جوجل ومواقع التواصل الاجتماعي.
وذلك بسبب قيام عمرو مصطفى بإغلاق أغنية يمكن خير للمطرب رامي صبري من موقع الفيديوهات "يوتيوب" أمس الثلاثاء "، ومنذ ذلك الحين بدأت حرب التصريحات المتبادلة بينهما بشأن سرقة ألحان الأغاني.
بداية الأزمة بين عمرو مصطفي ورامي صبري
كانت بداية الأزمة حينما اتهم عمرو مصطفي رامي صبري بسرقة لحن أغنيته "رقصة" من خلال لقائه مع الإعلامية أسما إبراهيم في برنامج حبر سري.
وقال عمرو مصطفي:" أنا ما ينفعش من شوية أغانيَّ كلها بتتسرق ونزلتها من سنة ولقيته بيقول لي دا أنا عاملها من 2016 طيب أنا عايزك تطلع يا رامي أي حاجة تثبت إنك عاملها في 2016 أو 2009 زي ما قلت في تصريحات تليفيزيونية وأي آلة بتسجل عليها بتوثق التاريخ".
وأضاف عمرو مصطفى، خلال الجزء الثاني من لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "أنا بحب رامي صبري، بس ما ينفعش حد ياخد حقوقي وأبقى حلو معاه مش ممكن، أغنية رقصة نزلت وهو بارك لي عليها".
ولفت عمرو مصطفى: "رامي صبري كلمني قال لي معلش علشان خاطري شكلي مش حلو وأنا كنت عامل الأغنية، وعاملها ومش عاملها طيب هات لي اللي يثبت إنك عاملها، أما أنا لو عايز أشيل له الأغنية من على يوتيوب هشيلها له، الأغنية ناجحة علشان أنا اللي عاملها بس أنا سيبتها له بمزاجي بس هو كان زود كنت هوقفها وبكرة الصبح هبلغ اليوتيوب إن دا لحني ونازل على يوتيوب قبله ومفيش حاجة اسمها توارد أفكار دا واخدها بالظبط، وأغنيته بعنوان يمكن خير جايبة 35 مليون مشاهدة وأنا أغنيتي رقصة جابت 4 مليون مشاهدة بس هما الاتنين لحني وجملي اللحنية، وفيه نفس الأغنية خد جملة لحنية أخرى من وائل كافوري وانا بقيت مباح، اقسم بالله ما هسيب حد ياخد جملة لحنية مني تاني".
رد الفنان رامي صبري على اتهامات عمرو مصطفى
ورد الفنان رامي صبري على اتهام عمرو مصطفى له بسرقة لحن أغنية "رقصة" وذلك من خلال لقائه على إذاعة "نجوم إف إم".
وقال رامي صبري:" "أنا مبحبش أتكلم عن زملائي بشكل سلبي، وعمرو المفترض إنه عشرة كبيرة وصديق واحنا أصحاب وعلشان فيه بيني وبينه عشرة مش هرد بطريقته اللي معجبتنيش واللي اتهمني فيها بالسرقة".
وأضاف رامي صبري خلال لقائه ببرنامج "أجمد 7"، المذاع على إذاعة "نجوم إف إم": "مش رامي صبري اللي يسرق لحن ولو هو يعرفني كويس مش هيتهمني الاتهام ده ممكن يكون فيه توارد أفكار وفيه 10 ألحان ممكن يكون فيهم جملة شبه التانية ومرة عملت أغنية لعامر منيب اسمها ده مكنش حب وهندم ليه، بعدها بسنة عمل عمرو دياب أغنية الملحن بتاعها محمد يحيى أغنية ريحة الحبايب، والاتنين نفس الشكل، وده مش عيب ومطلعتش ساعتها وقلت هتخانق مع محمد يحيي وارفع عليه قضية"
لوم رامي صبري على عمرو مصطفى
وتابع: "ملحن كبير زي عمرو مصطفى مينفعش يطلع يقول على فنان وملحن مش صغير ومطرب مش صغير أنه سارق ويتهمني بالسرقة، عيب يتهمني بالاتهام ده، أنا مكانتي مش صغيرة في الوسط".
مشكلة عمرو مصطفى
وأكمل: “مشكلة عمرو مصطفى مش أغاني، لأن لو حد فينا سرق حاجة منه هيقاضيه وهيعمل كل حاجة بالقانون لأنه خريج كلية حقوق، وأنا خريج معهد موسيقى عربية قسم تأليف موسيقى يعني لما تيجي تتكلم عن متخصص وانت خريج حقوق يبقى لازم تعرف انت بتتكلم عن مين”.
وتابع: “أنا لو مركز معاه هاحبسه بالقانون ولكن أنا بكبر دماغي، أنا مش بتاع خناقات ولا دي طريقتي ولا هرد عليه بطريقته وهقوله ربنا يهديك وأنا شايف انك تشتغل اكتر وتعمل حاجات كتير زي ملحنين كبار تانيين زي عزيز الشافعي ومدين مش مركزين في اللى انت بتعمله”.
ووجه رامي صبري لعمرو مصطفى نصيحة، قائلا: "ركز في شغلك اكتر واعملنا شغل حلو وانا عن نفسي لو فيه اغنية حلوة ليا هاغنيها، إنما تطلع تقول ده سرق وده خد مني عيب يطلع من فنان كبير زيك".
حق عمرو مصطفى القانوني
وأضاف: "قانونا مش من حق عمرو مصطفى أنه يقاضيني ولا يتهمني بالسرقة وأنا فعلا مسرقتش منه حاجة، عمرو لما بيغير من نجاح بيطلع يخبط في الناس ومفيش فينا حد عاتبه خالص ودايما يتهمنا بالسرقة ويقول كلنا واقعين طيب ازاي".
رامي صبري: عمرو مصطفى فنان كبير وموهوب
ولفت: "نفسي عمرو مصطفى يركز في شغله لأنه فنان كبير وموهوب ومطربين كبار نجحوا بفضل الحانه زي عمرو دياب ومحمد حماقي، بقوله متعملش عداءات مع الناس ومتقعدش تخبط في الناس حتي لو انت مش في المرحلة دي وانا بجد اتضايقت منه وأنا مش بحب التقليل من قيمة الناس، أنا المفترض موسيقار زي عمر خيرت وياسر عبد الرحمن".
رامي صبري يهدد عمرو مصطفى
وأكد: "أنا لو عندي مشاكل نفسية مكنتش خليتك تغني أو تشتغل تاني بالقانون لأني دارس ومتخصص وهو زي التلميذ بالنسبة لي وأنا الأستاذ وهو خريج حقوق ولكن هعديها علشان مراته ست محترمة وأولاده زي أولادي".
وعقب تصريحات رامي صبري عن عمرو مصطفي قرر الأخير إغلاق أغنية يمكن خير علي موقع الفيديوهات "يوتيوب" أمس الثلاثاء.
وقال عمرو مصطفى في تصريح خاص لفيتو: “الكوبي رايت موضح أني أنا اللي حذفت أغنية يمكن خير لرامي صبري”.
ثم تصاعدت الأزمة بين الطرفين وذلك بعد قيام عمرو مصطفي بإغلاق أغنية "يمكن خير" من علي موقع الفيديوهات "يوتيوب".
وعاد الفنان رامي صبري من جديد ليرد علي اتهامات عمرو مصطفي بشأن أزمة أغنية " يمكن خير"، ونشر مقطع فيديو في الساعات الأولي من صباح الأربعاء علي موقع الفيديوهات "إنستجرام".
وأكد رامي صبري بأنه سيقدم كل ما يثبت بأن لحن اغنية “يمكن خير” من ألحانه وليست ألحان عمرو مصطفي لإدارة موقع اليوتيوب حتى يتم إنهاء أزمة الأغنية.
وتابع: “بالدليل يمكن خير لحن رامي صبري أي حد يقدر يوقف أي أغنية يوتيوب لحد لما يوتيوب يتأكد انها ملك صاحب الأغنية”.
وأضاف: "بس ردينا بالفيديو علشان كمان الجمهور يعرف ويتأكد إننا ما بناخدش لحن مش بتاعنا ونكتب عليه اسمنا.
وأكمل: "محاربة النجاح مش الحل.. الحل إنك تشتغل على نفسك وتركز في شغلك وتعمل جديد علشان الجمهور يستمتع مش تحارب النجاح".
واختتم رامي قائلًا: "يمكن خير من ضمن نجاحات رامي صبري وليست أولها ولا آخرها. ربنا يهدي الجميع ونركز في صناعة الموسيقى بدل ما نهدها".
و لم تقف الأزمة بين الطرفين عند ذلك، حيث أن عمرو مصطفي عاد ليرد علي فيديو رامي صبري الأخير والذي أكد من خلاله "رامي" أن أغنية يمكن خير من ألحانه ولم يتعدي علي ألحان عمرو مصطفي.
ونشر عمرو مصطفي مقطع فيديو عبر حسابه الشخصي علي موقع التواصل الاجتماعي "فيس بوك" ليكذب رامي صبري ويؤكد أنه سرق لحن من ألحانه وأقتبسه في أغنية يمكن خير.
وقال عمرو مصطفي من خلال الفيديو:" أنه لحن أغنية يمكن خير في عام 1999 بعد لحن لأغنية عمرو دياب الشهيرة “خليك فاكرني”.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
