طالب بتمريض المنيا ينقذ مصابا بالطريق بشكل مهني مؤكدًا: لو كنت سبته كان ربنا هيحاسبني (فيديو وصور)
أصبح "محمود سيد ذكي، طالب بكلية التمريض جامعة المنيا" ابن مركز ملوي، حديث مواقع التواصل الاجتماعي فيسبوك وتويتر، بعدما أنقذ حياة مصاب بالطريق بشكل مهني.
وفى السطور التالية، يروي ابن قرية تونا الجبل لـ فيتو، رواية إنقاذه لمريض بعدما أصبح حديث مواقع التواصل الاجتماعي فيسبوك وتويتر.
في البداية يقول: كنت منتظر إحدى السيارات متجهة الي قريتي، وأثناء تواجدي، إذ بصوت عال "حادث مروري"، لم يكن أمامي دون تردد غير المشاركة والتدخل السريع.
واستكمل حديثه لـ فيتو، قائلًا: فور وصولي لموقع الحادث شاهدت تاكسيا اصطدم بموتوسيكل يستقله شاب عشريني بصحبة شقيق والده، الراجل الكبير وكان مصابا بكسر من النوع compound كسر مفتوح أو معقد.
مضيفا: كسر compound، هو عبارة عن كسر مفتوح أو معقد، بيبقي العظم اتكسر نصين واخترق الجلد وخرج لبره الجسم خالص، ولكن كان هنا زيادة ان العظم اتهشم تاني برة جسمه واتكسر من عند الحواف اللي اتكسرت بسبب خبطة الأسفلت والإصابة كانت في نصف الساق تحت الركبة والمنظر، -على حد تعبيره- بشع.
وأضاف: ناس كتيرة مقدرتش تشوف المنظر ووقفت بعيد، لأن الساق بتاعت المصاب متعلقة ع أوتار وشكلها مرعب وده غير كمية النزيف اللي حصلت وكان المشهد مش كويس.
واستطرد الحديث: المهم ربنا قدرني علي فعل الخير وعمل اللازم من السيطرة علي الموقف ،وكنت حريصا علي اني مخليش الراجل يشوف رجله وطمنته إنه كسر وموضوعه سهل وهديته وعملت لرجله immobilization " تثبيت عشان مينفعش تغير ال position الوضعية بتاعتها عشان متعملش مضاعفات أخطر complications.
و استكمل الحديث قائلًا: لم يكن أمامي سوي أن استعين بشخص جه مسك وثبت رجل المصاب لحد ما اتصلت بالإسعاف بعيد عن المصاب عشان استعجلهم والمصاب ميقلقش، والمصاب طبعا مع كمية النزيف اللي حصلت bleeding وحرارة الجو عمل معاه جفاف dehydration ومكنش مستحمل الشمس والناس كانت عايزة تنقله لمكان بعيد عن الشمس فرفضت وأصريت إنه يفضل مكانه فالشباب ربنا يباركلهم جابوا كرتونة كبيرة وعملوا مشمع يضلل فوق المصاب، وبعد ما كلمت الإسعاف قعدت جنب المصاب بطمن فيه، "على حد تعبيره".
وفى نهاية حديثه، أوضح سبب تدخله قائلا: ماينفعش أسيب حد مصاب في أي مكان، ده واجبي وأنا بعمله وجزائي عند ربنا.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
