مش مصريين وأنا بفجر الحقيقة، نهى العمروسي تثير الجدل عن هوية بناة الأهرامات

أثارت الفنانة نهى العمروسي، الجدل بعد حديثها عن القدماء المصريين، حيث قالت إنهم ليسوا بناة الأهرامات، وأن الأهرامات ليست مقابر لملوك مصر في العصر الفرعوني.

نهى العمروسي تثير الجدل حول بناة الأهرامات 

ونشرت نهى العمروسي عدة منشورات عبر حسابها الشخصي على "فيسبوك" قالت فيها: "بناة الأهرامات مش المصريين القدماء، أنا عارفة أنتو هتجزوا على سنانكم مني بس مش مهم".

وأضافت: "إن بناة الأهرامات مش بشر أصلًا، مش من الجنس البشري، وتماثيلهم العملاقة دا طولهم الأصلي مش تضخيم ليهم".

وأوضحت في آخر بوست لها  قائلة: “انا مش هجادل حد، أنا بفجر الحقيقة في زمن كاره للحق، لناس خدت على التغييب وبيعشقوا الكدابين وبيصنعوا أبطال من ورق، ناس أدمنت الخديعة وبياخدوا أي معلومة متوارثة كإنها يقين لأن كدا أريح بكتير من الثقافة والمعرفة والتعب، اشتموني على أد ما تقدروا وائلشوا كمان وكمان وجهلوني واتهموني بإن هدفي الترند لإن دا بيعكس اللي جواكم ودا وعيكم”.

وتابعت: "كل إناء ينضح ما فيه.. أنا اللي يفرق معايا إن فيه قلة قليلة منكم وعيهم واسع وعقولهم منورة ممكن تعمل مجهود وتبحث وتدور وتوصل للحقيقة، بدل ما تقعد مفخدة علي النت تتريق وتألش علي خلق الله، تفرق معايا لو واحد بس فيكم عمل مجهود وقرأ وبحث، أما الباقي إللي ساجنين عقولهم وحاطينه في بوكس وقافلين عليه بترابيس استمروا وزودوا الترابيس، الحياة اختيارات".

بناة الأهرامات 

وأضافت: "أنا باحثة عن الحقيقة، والحقيقة بتقول إن أجدادنا مش هم اللي بنوا الأهرامات، والأهرامات مش مقابر أصلًا، دي حكاية فوق خيالكم".

وتابعت قائلة: "بس اللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دي، يلا اشتموني بسرعة وطلعوني جاهلة".

نهى العمروسي عن تعرضها للتحرش: كتير ومحدش يعرف ياخد منى حاجة (فيديو)

نهى العمروسي: مش بخاف من الموت وعذاب القبر مش موجود (فيديو)

نقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.