تامر هجرس يكشف سبب غيابه عن الساحة الفنية: رفضت حاجات ملهاش لازمة (فيديو)

كشف الفنان تامر هجرس عن سر غيابه عن الساحة الفنية بعد عودته مجددا بمشاركته في فيلم "شوجر دادي".

أسباب غياب تامر هجرس عن السينما 

وقال "هجرس" خلال لـ "فيتو":" أنا معرفش أنا غبت ليه.. بس يمكن الناس بتحس بكده علشان معملتش أفلام.. بس أنا بعمل مسلسلات ومتواجد بشكل دائم".

وأضاف:"بحاول أعمل كل سنة حاجة تعمل فرق مع الجمهور ولكن أنا بقالي فترة معملتش أفلام  معرفش ليه ؟ يمكن عشان متعرضتش عليا حاجة كويسة كنت محتاج  أوافق عليها  وموافقتش .. بصراحة أنا رفضت حاجات مكنش ليها أي لازمة ومكنتش هتبقي أي إضافة ليا".

وكشف الفنان تامر هجرس عن الأدوار التي يرفض تقديمها قائلا:" لو هتعمل  قصة هيبقى فيها الشرير والبطل وأنا ماعنديش مانع أني أبقى الشرير خصوصا أن الممثل لما يعمل دور الشر مش بيبقى له حدود وممكن يتألق فيها ".

الأدوار التي يرفض تامر هجرس تقديمها 

وأضاف “هجرس”:" لو اي عمل هيمس شعرة من كرامة بلدي أو كرامتي أو أولادي  أو العالم العربي والإسلامي مش هعمله".

وكان الفنان تامر هجرس كشف علاقته بالفنان عادل إمام خاصة بعد مشاركته  في فيلم التجربة الدنماركية ومسلسل مأمون وشركاه قائلا:" الزعيم صديق عزيز عليا وبحبه جدا وبتمني له كل خير".

علاقة تامر هجرس بالزعيم عادل إمام 

وأضاف “هجرس”:" شرف ليا أني اشتغلت معاه في التجربة الدنماركية ومأمون وشركائه وبسأل عليه لكن انا مش النوع اللي بيسال علي حد يوميا وأنا كل فين وفين بسأل على حد بكلمه ولكن الزعيم عارف أني انا بحبه قد ايه وعارف إحساسي من ناحيته ".

الخوف على أبنائه وعدم الخوف من الموت

وعن الخوف في حياة تامر هجرس أردف الفنان قائلا: “أنا مبخافش غير من ربنا لكن أنا بحب أقول أن الخوف نوع من الحماية.. ربنا بيديك نسبة خوف معينة بتبقى حماية لك".

وتابع:"لكن ممكن أخاف على ضرر لأولادي وعلى مراتي، علي حد عزيز عليا ومبخفش  من الموت طالما راضي علي كل حاجة بعملها وبتمني ختامي يكون لطيف".

فيلم شوجر دادي

وتحدث  “هجرس” عن تجربته في فيلم “شوجر دادي”  مع ليلي علوي معربا عن سعادته قائلا:" أنا مبسوط جدا برد الفعل علي الفيلم ومبسوط  أنه أعلى إيرادات وأنه عدى كل الأفلام التانية وده شيء حلو". 

وكشف تامر هجرس عن دافع موافقته على  المشاركة في شوجر دادي قائلا: “اللي خلاني أوافق أني أنا كنت هشتغل مع الكاتب لؤي قبل كده في فيلم جميل ليا وماتعملش  فصعب عليا إن إحنا مانعملش حاجة مع بعض.. و فيلم شوجر دادي كان فرصة علشان نشتغل مع بعض”.

نقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.