غادة والي تعترف: أنا مش فنانة تشكيلية، وتأثرنا بالفنان الروسي

قالت غادة والي مصممة الجرافيك: "المبلغ اللي أخدناه من تصميم اللوحة الجدارية لمحطة كلية البنات بمترو الأنفاق 77.042 جنيه.. مش ملايين زي ما بيقولوا، اللوحة الجدارية تمت إزالتها، بس فيه جداريات تانية في المترو في العباسية وهوليوبوليس والأوبرا ومحطات تانية لسة موجودة، والشركة الفرنسية هي اللي طلبت مننا نطلع الفراعنة سود؛ علشان لون السيراميك بس مكنش في مخنا إن الفراعنة سود ولا الموضوع ده خالص". 

معابد فرعونية 

وأكدت في تصريحات تليفزيونية: "استعنا في عمل جدارية محطة كلية البنات بالرسومات اللي موجودة في معبد فيلة ومقبرة الملكة نفرتاري ونب آمون بالأقصر، أما الفنان الروسي مخدش زي اللي إحنا خدناه".
 

وأضافت: "أنا مش فنانة تشكيلية مش ببيع لوحات في معرض، ولكني مصممة جرافيك بعمل شغل بيزنس بناءً على طلب العميل".
وأكدت: "لو انا أخدت واقتبست من الفنان الروسي يبقى إحنا الاتنين واخدين من بيكاسو؛ لأن التكعيبة اللى عنده واللى احنا ماشيين بيها من بيكاسو، بالإضافة  إلى أن الفنان الروسي قال إنه واخد من رسومات رومانية، إنما أنا واخدة معبد هابو بالأقصر".
 

جدارية محطة كلية البنات

وأوضحت: "الجدارية بتاعت محطة كلية البنات بتاعتي ورسومات الفنان الروسي هما الاتنين شبه بعض، علشان احنا الاتنين واخدين من نفس المدرسة الفرعونية وتكعيبة بيكاسو".
 

واعترفت غادة والي: "أنا والفنان الروسي واخدين من نفس المدرسة ونفس الجداريات الفرعونية، وأنا بعترف أننا الاتنين واخدين من مدرسة واحدة".
 

شركة مترو الأنفاق

ولفتت: "الشركة الفرنسية المسئولة عن إدارة المترو فسخت العقد معانا قبل مشكلة جدارية محطة كلية البنات، بسبب أننا طلعنا في برنامج واتكلمنا عن شغلنا من باب الترويج". 

حقوق الملكية الفكرية

وأشارت: "الفنان الروسي مش مسجل لوحته في الفيبو الخاصة بحقوق الملكية الفكرية ودورنا علي كده ملقناش حاجة، وأنا في الأساس مش ناقلة منه ولا سرقت حاجة، وأنا عارفة أن اللى دبحني في الموضوع ده اعتذار المترو بس مرجعوش ليا وانا تألمت جدا لما شوفت مشهد إزالة الجدارية وأثر عليا نفسيا".
 

رسومات شركة المياه الغازية 

وعن رسومات شركة المياه الغازية:"القضية أن الفنان الروسي هو اللى سارق مننا لأن المدرسة الفرعونية احنا الاتنين واخدين منها، وهو بالنسبة لي بيهين البلد في اتهاماته ليا".

اعتراف غادة والي 

وأكدت: "أي مجال في الدعاية والإعلان ومن الوارد أن نكون تأثرنا بالفنان الروسي جريجوري كوراسوف، احنا في عالم بيزنس وممكن حد من زمايلنا في الشركة يكون تأثروا بشكل ملحوظ برسومات الفنان الروسي".
 

غادة والي، في وقت سابق علقت غادة والي مصممة الجرافيك، على اتهامها بسرقة أعمال فنان روسي واستخدامها في إعلانات خاصة لإحدى شركات المياه الغازية دون علم صاحبها.
 

معاناة غادة والي من التنمر الإلكتروني 

وقالت غادة والي خلال تصريحات تليفزيونية ببرنامج "تفاعلكم" المذاع على قناة "العربية": "أول مرة أطلع وأتكلم فيها طول حياتي، السنة اللي فاتت تعرضت لأزمة إعلامية كبيرة ووقتها كنت باولد وحصل لي مشاكل في الولادة وكنت في المستشفى ومعرفتش أرد بكل قوتي بس المرة دي أنا هرد، أنا زي أي حد تعرض لتنمر إلكتروني وتأثرت نفسيا ومهنيا لمدة السنة اللى فاتت كلها".
 

رد قوي من غادة والي على اتهامها بسرقة أعمال فنان روسي 

وأضافت: "للمرة الثانية أتعرض للتنمر الإلكتروني وهذا بالنسبة لي كابوس مش قادرة أشوفه تاني بيحصل لي من غير ما أعرف أتكلم وأدافع عن نفسي، أنا من ساعة ما رجعت من إيطاليا بعد ما خلصت الماجستير كل هدفي في الحياة إزاي أخلي التصميم يحيى التراث المصري وده مش أول مشروع بعمله بيتكلم عن نفس الفكرة، ولا تاني ولا تالت ولا رابع ومش أي حد بيقول أي اتهام نصدقه من غير ما يكون فيه أي دلائل".

غادة والي تعلن لجوءها إلى القضاء بعد أزمتها الأخيرة

وأوضحت: "حملة شركات المياه الغازية اتعملت في 2018 وانا رسمت الرسومات دي بإيديا ودي كانت أول مرة الشركة تقتبس من فنان مصري ومتاخدش تصميم من نيويورك أو مكان تاني عالمي، ومن كتر نجاح الحملة الشركة طلبت مني أعمل مسابقة في كلية فنون تطبيقية مع الطلاب بنفس الفكرة ازاي يحيوا تصميم مصري بيحبوه وده أحلى حاجة شوفتها في حياتي لإن هدفي كان بيتحقق لإنهم حسوا بانتماء لتاريخنا وتصاميمنا الملهمة الجميلة اللى مش محتاجين نقلد حد ولا نوصل لحاجة برة، وأنا بحترم كل الفنانين داخل وخارج مصر وبحترم القانون المصري والقضاء المصري لإنه كان قضاء عادل وهلجأ له لإن أنا تعبت جدا علي بناء شركتي خلال 15 سنة وأني أوصل لثقة العميل ومش هسيب حقي وبحترم شغلي اللى فات واللى جاي".
 

وتربعت المصممة غادة والي على تريندات موقع التواصل الاجتماعي بقوة وذلك عقب ظهر أزمة جديدة له خاصة بسرقة رسومات جديدة من الفنان الروسي واستخدامها فى إعلانات خاصة لإحدى شركات المياه الغازية دون علم صاحبها..

أزمة جديدة لـ غادة والي مع كوراسوف

وتواجه غادة والي  أزمة جديدة بعد  الحديث عن سرقتها بعض الرسومات الخاصة بالفنان الروسي جريجوري كوراسوف للمرة الثانية عقب المرة الأولى التي اتٌهمت فيها بسرقة تصميمات خاصة بالفنان واستخدامها بمحطة مترو كلية البنات.

وأطلق أحمد العطار محامي الفنان التشكيلي بيانا جاء خلاله: أنه رجوعًا لما قدمته الفنانة غادة والي من تصميمات ولوحات ورسومات وجدوا أن هناك سرقة أخرى واقتباس آخر من الفنان الروسي.. فعلى حسابه الرقمي وجدوا أنها صممت حملة إعلانية لإحدى شركات المياه الغازية الشهيرة عام 2019 جميعها مقتبسة من لوحات كوراسوف.. الذي قرر أن يتخذ الإجراءات القانونية ضدها.

ونقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.