مي عمر: اللي عايز يتجوز تاني لازم يعرّف مراته وياخد موافقتها (فيديو)
قالت الفنانة مي عمر: "اللى عايز يتجوز جوازة تانية لازم يعرف مراته وتكون هي موافقة ولو اتجوز في السر يبقى غلطان".
موقف مي عمر من الزواج السري
وأضافت خلال لقائها ببرنامج "مساء دي إم سي" الذي يقدمه الإعلامي رامي رضوان بقناة "دي إم سي": "اللى مش عجباه مراته ميتجوزش عليها في السر ولكن ينفصلوا في هدوء".
المرأة المريضة في عين مي عمر
وتابعت: "الست اللى تتجوز في السر وتروح تقول لمراته سبيلي جوزك دي مريضة أوي، ومعتقدش إن فيه ست عاقلة تعمل كده".
في تصريحات سابقة، كشفت الفنانة مي عمر، عن موقفها من الشخصية التي جسدتها في مسلسل "علاقة مشروعة" مع الفنان ياسر جلال، ودورها في خطف الرجل من زوجته وزواجه عرفيا.
موقف مي عمر من الزواج العرفي
وقالت مي عمر خلال لقائها ببرنامج "كلمة أخيرة" المذاع على قناة "أون إي": "الزواج العرفي رسميًّا مشروع، لكنه اجتماعيًّا غير مشروع".
مشكلة مي عمر في مسلسل علاقة مشروعة
وأضافت مي عمر:"أنا كان عندي مشكلة في الدور لما قرأت السيناريو قلت لياسر جلال دي هتتكره جدا وأنا مش حباها فقال لي بالعكس لازم تغيري، فقلت له أنا شخصية الست اللى بتخطف الراجل من مراته وعياله بكرهها جدا".
دور مي عمر في مسلسل علاقة مشروعة
وتابعت: "لما بدأت أمثل شخصية بثينة في المسلسل بقيت أبرر ليها خطف ياسر جلال من زوجته وأبنائه، ومفيش شخص بيعمل حاجة شر شايف نفسه إنه شرير".
وقالت الفنانة مي عمر: "أرفض مشاركة غادة عبد الرازق بطولة أي عمل فني بسبب خلافها مع زوجي المخرج محمد سامي".
خلاف مي عمر وغادة عبد الرازق
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "مستحيل أشتغل مع غادة عبد الرازق وخلافنا موضوع قديم".
مشكلة مي عمر مع غادة عبد الرازق
وأضافت: "لازم يبقى فيه كيميا بين الممثلين علشان يعرفوا يعملوا شغل حلو، ومعتقدش أنا وغادة نعمل شغل حلو علشان كان فيه خلاف قديم وبسببه مش هنشتغل مع بعض".
تعرض مي عمر للظلم
ولفتت مي عمر: "اتظلمت كتير وكنت بحس بالظلم زمان لما كانوا بيقولوا إن جوزها محمد سامي فرضها على الناس، بس بعد فترة بقيت أحس أن الكلام مبقاش يفرق معايا، واللي قدمني محمد سامي بس بعد أعمال كتير مينفعش نقول أنه فرضني على الناس، وشيء طبيعي ناس تحبني وناس تانية لا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
