رئيس التحرير
عصام كامل
Advertisements
Advertisements
Advertisements

الكلام على مين.. اعرفوه لو كنتم شاطرين ( ساخرون)

حسن شاهين
حسن شاهين

الناس ملهاش غير سيرتك
وكأن كل مصر عيلتك
ترند طوال شهر رمضان
ودخلت علينا حيلتك
 

حتى فى العيد ماسبتناش
ووديتنا يا عمنا وما جبتناش
وتقولنا انتظرونى فى هارلى
واحنا وراك وكأنك ببلاش
 

شاطر وعرفت تعمل حمله
إسمك موجود فى كل جمله
بوستات وتغريدات وفيديوهات
واللى يتحداك يتحول لنمله
 

نجوم الدراما جمبك مختفيين
وفى رمضان مكانوش ظاهرين
مش عارفين دى شطاره منك
ولا هما اللى مش عارفين
 

دخلت علينا إبن حلال
وبعدها عملت زلزال
وقلت أنا الأسطورة
ونسر الصعيد ملك المجال

Advertisements
الجريدة الرسمية