أحمد السقا: محمد هنيدي لو طلب عيني أديهاله وهذه نصيحتي لمكي (فيديو)
كشف الفنان أحمد السقا، حقيقة مشاركته في الجزء الثاني من فيلم "صعيدي في الجامعة الأمريكية" وإنشائه قناة فضائية.
حقيقة مشاركة السقا في فيلم صعيدي في الجامعة الأمريكية 2
وقال أحمد السقا خلال لقائه ببرنامج "الراديو بيضحك" الذي تقدمه الإعلامية فاطمة مصطفى بالراديو 9090:"أول مرة اسمع إني خلاص هشترك في الجزء الثاني من صعيدي في الجامعة الأمريكية، أو يكون عندي قناة فضائية".
التعاون مع مدحت العدل وسعيد حامد
وأضاف: "لي الشرف إني أتعاون مع محمد هنيدي ومدحت العدل ومحمد العدل وسعيد حامد في جزء ثان من فيلم صعيدي في الجامعة الأمريكية، بس مفيش حاجة لحد دلوقتي".
علاقة أحمد السقا بمحمد هنيدي
وتابع:"يجمعني علاقات قوية مع كل جيلي بس محمد هنيدي بالنسبة لى قصة مختلفة ولو طلب عينيا دلوقتي هشيلهم واديهمله، وإحنا جيل بنحب ونحترم بعض".
حلقة أحمد السقا في مسلسل الكبير أوي 7
وعن حلقته في مسلسل الكبير أوي 7، علق أحمد السقا:"أحمد مكي كلمني هو وأحمد الجندي عندنا حلقة قائمة عليك هتيجي تعملها ولا لأ فقلت لهم أنا جاي وروحت صورت، نفادي جنني وموتني من الضحك، فيه حوار طلع ارتجالي علي الهواء وأخذنا وقت في تصوير المشهد من كتر الضحك".
نصيحة أحمد السقا لـ أحمد مكي
ولفت:"أنا بحب الكبير أوي، بس أتمني لصاحبي أحمد مكي يعمل حاجة تانية بس ميحرمناش من مسلسل الكبير".
في نفس اللقاء، وجه الفنان أحمد السقا، رسالة إلى الفنان رامز جلال، بعد سقوطه في فخ برنامج المقالب "رامز نيفر إند"، قائلا: "الله يسامحه".
سر أكل أحمد السقا الثعبان
وتابع السقا خلال لقائه الإذاعي ببرنامج "الراديو بيضحك" الذي تقدمه الإعلامية فاطمة مصطفى علي الراديو 9090: "أنا أكلت التعبان في برنامج رامز جلال كنوع من التفريغ العصبي ".
السقا في مقلب رامز نيفر إند
ولفت السقا إلى اكتشافه المقلب قائلا: "عرفت إنه مقلب رامز جلال لما ابتدى يوطي ويرمي حاجة، وظهرلي الماسك اللي لابسه، بس والله العظيم أنا لغاية ما طلعت المطعم الطائر مكنتش عارف حاجة عن المقلب، وأول لما ابتدى طلعت فوق الكرسي ابتدي يتحرك أدركت انه مقلب، ومرضتش أبوظ الحلقة، وانا بطبعي لساني مش طويل ومبعرفش اشتم ولا اتخانق يمكن زمان في قرش البحر انفعلت وضربت الولد اللى كان عامل كاميرا مان لأن جزمتي ومحفظتي وكل حاجة وقعت في المياه، وكنت طالع علي أساس إنه برنامج لترويج السياحة وقتها ومش متوقع إنه مقلب ولما عرفت ضحكت علي نفسي وطلعت عبيط".
خوف أحمد السقا من الحشرات والأماكن المرتفعة
وأضاف:"انا عندي فوبيا من الحشرات والأماكن العالية، بس أنا قدام الكاميرا أقدر أعمل أي حاجة بس وراء الكاميرا بخاف من الحشرات والأدوار المرتفعة، وكنت في جهة ما بتمرن علي حاجات معينة علشان شغل وعملت معايشة ومن ضمن التدريبات حاجات قاسية من ضمنها أكل الثعبان فهو جالي في ملعبي".
اعتذار أحمد السقا عن أكل الثعبان
واكمل:"بعد حلقة رامز جلال الناس قالوا ده كل التعبان فأنا بقول للجماعة بتوع حقوق الحيوان أنا آسف إني كلت التعبان، بس فيه حاجة معينة مجنناني لحد دلوقتي فضلت ماسك السمكة القرموط وجالي حالة تشنج عصبي القرموط مبيتمسكش وأنا مش عارف مسكته إزاي بس من التوتلا قفشت فيه".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
