تامر حبيب: بقالى 5 سنين مش بصوم رمضان (فيديو)
أكد السيناريست تامر حبيب، أنه لا يصوم شهر رمضان منذ 5 سنوات، بسبب مرضه، قائلا: "أقر واعترف إني بقالى 5 سنين مش بصوم في شهر رمضان علشان العملية التانية اللى صلحت بيها عملية تحويل المسار وكان قبلها كانت جاتلي جلطة في القلب".
سر عدم صيام تامر حبيب
وأوضح خلال الجزء الثاني من لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"بعد جلطة القلب بقى ممنوع إني اصوم لأني لازم اشرب مياه طول اليوم واخد ادوية علي الريق الصبح".
مرض تامر حبيب
وأضاف:"الصيام دي علاقة بيني وبين ربنا ومحدش له دخل فيها، وأنا من يوم ما ابتديت اصوم مفيش يوم فطرته لأني اتربيت علي الصيام وأجواء الصوم من صغري ومبقتش اصوم لسبب مرضي فقط".
في الجزء الأول من نفس اللقاء،أكد السيناريست تامر حبيب: لا صحة لما تردد وأثير عن محاولتي الانتحار العام الماضي والسبب الذي يدفعني للانتحار.
شائعات عن زواج تامر حبيب من منة شلبي
وأضاف:"جوزوني لمنة شلبي وقالوا إنها سابتني واتخطبت لشخص تاني وبعد كده قالوا إني مريت بحالة نفسية وحاولت الانتحار وفشلت وكل ده غير صحيح وشائعات".
محاولة تامر حبيب الانتحار
وأكد تامر حبيب:"حاولت انتحر مرة واحدة فقط قبل 2017 لإني كنت باخد دواء ريجيم وكان عاملي اكتئاب شديد، وكنت محبط جدا لإني كنت بشتغل محاسب وقتها وبعمل حاجة مبحبهاش لإني عايز اشتغل في السينما وكنت متوتر جدا والدواء كان بيسرع ضربات القلب وبيجيب اكتئاب شديد وفي لحظة فكرت في الانتحار وبعدها غيرت حياتي".
في نفس اللقاء، كشف السيناريست تامر حبيب، تفاصيل أول لقاء جمعه بالفنانة منة شلبي بعد أزمتها الأخيرة واتهامها بتعاطي المواد المخدرة.
أسود يوم في حياة تامر حبيب
وقال تامر حبيب خلال لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "اليوم اللي اتقبض فيه علي منة شلبي بتهمة تعاطي المخدرات كان من أسود أيام حياتي وكنت هموت لأني مكنتش عارف أوصلها".
أول لقاء بين تامر حبيب ومنة شلبي بعد إخلاء سبيلها
وأضاف: "لما تم إخلاء سبيل منة شلبي روحت لها علي البيت ويومها عرفت قد ايه حبي ليها واخدتها في حضني جدا وكان كل همي إنها تضحك وتتبسط واعملها أراجوز علشان تنسى الأزمة الكبيرة اللى هي مرت بيها".
الحالة النفسية لمنة شلبي بعد أزمتها الأخيرة
ولفت: "الحالة النفسية لمنة شلبي احسن بكتير دلوقتي وهي نزلت اشتغلت، والضغط مش من الموقف ولكن القسوة الشديدة من البشر وكإأهم كانوا نازلين معاها من الطيارة، فيه ناس مهمتهم أنها طول الوقت تهاجم وتشمت في الفنان أو اي حد مشهور".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات ، أخبار الرياضة ، أخبار مصر، أخبار الاقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
