محمد فؤاد: أنا اللي عملت عمر كمال ومين حلمي بكر علشان يوجهني (فيديو)

رد الفنان محمد فؤاد، على هجوم الموسيقار حلمي بكر عليه بسبب أغنية "الحفلة" ورسالته "بعت نفسك بالرخيص وبكرة تعيط".
 

أغنية الحفلة لمحمد فؤاد

وقال محمد فؤاد خلال الجزء الثاني من لقائه ببرنامج "العرافة" الذي تقدمه بسمة وهبة بقناة "النهار":"أغنية الحفلة جميلة وشباب رائع اللى عملها ومصريين ولاد منطقة شعبية، انا بغني كل الألوان انا بتاع كامننا والدم ده دمي، ومحدش يفرض على شيء ولا يوجهني".
 

رسالة محمد فؤاد لحلمي بكر

ووجه محمد فؤاد، رسالة لحلمي بكر، قائلا:"انت مين علشان توجهني، انت موسيقار كبير ولكن لست إله، أنا ملتزم بأقصى درجات الأدب بيني وبين زملائي علشان محدش يتجرأ ويتخطى الحدود معايا، ومش بنظر علي حد، ومش موضوعك تنظر عليا".
 

وتابع:"أغنية الحفلة، مفيهاش كلمة عيب ولطيفة، وأغنية كامننا أفج منها، ولازم نساير العصر ولكن بعيدا عن الابتذال".

تصريح عمر كمال

وأشار:"انا مش مجنون علشان أقول لعمر كمال اني بتوقع نجاحه أكتر مني 50 مرة، مقولش ده طبعا لإني مش هقارن نفسي بحد، عمر كان بيجيلي وهو صغير قدام الاستوديو يتصور معايا ويشرب حاجة ساقعة ويجيبوله حلويات هو وخاله ومتربى حياته محمد فؤاد، عمر كمال بالنسبة لي عيل إزاي أزعل منه من وهو طفل كان بيحبني".
 

احتضان محمد فؤاد لعمر كمال

وتابع:"أنا لم أحتضن عمر كمال ولكني أساهم في تقديمه للجمهور، وانا اللي عملته وصاحب الفضل عليه، وكان بيحط صورتي علي أغانيه وده طبعا غلط ومش هو لوحده بيعمل كده فيه ناس كتير والمشكلة ان ممكن أغنية وحشة تنسب لي ولكن انا مكنتش بوافق اني أحبس حد، هما عايزين ينجحوا ولو مش مبسوط كنت قفلت الحاجات دي بس كنت حذر لينزلوا حاجة دون المستوي، وفي الحقيقة هو أنجح مني بكتير علي يوتيوب والسوشيال ميديا وانا مليش في السكة دي".
 

نصيحة محمد فؤاد لعمر كمال

وأكمل:"عمر كمال عايز يبقى كويس ولما عمل اغنية الغربة، قابلته قلت له اشتغل علي نفس النوعية ومتغنيش الا كلام حلو وابعد صوتك عن صوتي وغني لنفسك".
نقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.