ميسرة: لست ضد أدوار الإغراء وهذا سر خوف النساء مني (فيديو)
كشفت الفنانة ميسرة، موقفها من السينما النظيفة، مؤكدة أنها ليست مع هذا المصطلح ولكنها تؤمن بضرورة توظيف مشاهد الإغراء وفقًا للسياق الفني والدرامي.
مشاهد سهير رمزي في المذنبون
ولفتت خلال تصريحات تليفزيونية بقناة "هي": "فيلم المذنبون للفنانة سهير رمزي، قامت الدنيا وما قعدتش عليه مع إنه كويس والمشاهد اللي فيه توضح قمة الفساد اللي موجود في دائرة الممثلة وإزاي وصلت بعلاقاتها مش بفنها وإزاي هذا المجتمع فاسد، وكل مشهد لسهير رمزي في السرير موظَّف صح، وما كانش فيه حاجات أوفر".
مشاهد فيلم ثرثرة فوق النيل
ولفتت: "فيلم ثرثرة فوق النيل، فيه مشاهد ساخنة، ولكن كل حاجة موظَّفة لأن دا موجود والمهم يتم عرضه بدون ابتذال".
أدوار ميسرة
وأكدت ميسرة: "ما بزعلش لو جالي أدوار فيها إغراء أو ابتذال لأن أنا ليَّ حق الرفض أو القبول، والمنتج مش داخل جوايا وبيجبني بناءً على إنه شايفني نافعة للدور، ولكن القرار النهائي ليَّ".
سر خوف النساء من ميسرة
ولفتت: "الستات بتخاف مني ولما بروح الجيم ما بيحاولوش إنهم يكلموني والسبب وراء الأدوار بتاعتي في الأعمال الفنية، ولما اتحطيت في قالب دوري الشريرة فعلًا لقيت الستات بتكش مني وبتخاف وكإني هخطف جوزها بس لما شافوني على طبيعتي وإني عادية الخوف انتهى".
في حديث سابق، قالت الفنانة ميسرة: "أنا ما اتجوزتش لحد دلوقتِ علشان معظم الرجالة عندهم انفصام في الشخصية، يعني يقبلوا على نفسهم ما لا يقبلوه لزوجاتهم، وأنا بحب الطبيعية في التصرفات يعني لو عايز تهزر معايا تهزر قدام مراتك بدون خوف من مراتك".
مشكلة الفنانة ميسرة مع الرجال
وأضافت ميسرة خلال لقائها ببرنامج "نص الكلام" الذي تقدمه الإعلامية راغدة شلهوب بقناة "النهار": "أنا ما بحبش الراجل يبقى قدام مراته حاجة وبرة حاجة تانية، أنا بحب الراجل يبقى بطبيعته والراجل اللي بيخالف القاعدة دي أنا بتجنبه".
شرط زواج ميسرة من رجل متزوج
وتابعت: "أنا ممكن أتجوز واحد متجوز لو حبيته واقتنعت به واتأكدت إن زوجته مقصرة معاه، ولازم أسأل مراته وآخد موافقتها لأني مش هتجوز من وراها".
مشكلة بعض النساء حسب رأي ميسرة
وأوضحت: "ممكن أتجوز راجل متجوز لما أعرف إن مراته عندها مشاغل في حياتها مش قادرة تملا حياته بما يكفيه أو يكون تفكيرها وحياتها وصلت لمرحلة التشبع مع الراجل والاكتفاء بولادها".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
