محمد لطفي عن مشهد اغتصاب هيفاء وهبي: منه لله محمد السبكي (فيديو)
كشف الفنان محمد لطفي، موقفه من رفض الفنان يوسف الشريف التلامس نهائيا والمشاهد الجريئة في الأفلام والمسلسلات، قائلا:"هو حر يقول اللى هو عايزه وهو عنده حق ويقدر يقرر يعمل إيه ويمثل إزاي ومحدش يقدر يهاجمه".
رفض محمد لطفي المشاهد الجريئة والتلامس
وأضاف خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"أنا مبحبش مشاهد التلامس والقبلات، ولكن في مشهد اغتصاب هيفاء وهبي كنت بمثل ساعتها ومكنش حقيقي، منه لله محمد السبكي واذكروا محاسن موتاكم".
مشكلة فيلم سمير أبو النيل
وعن عدم تحقيق فيلم "سمير أبو النيل" الذي يعتبر أقل عمل حقق إيرادات لأحمد مكي، علق محمد لطفي:"النجاح ده بإيدين ربنا ورزق، والفيلم نجح وحلو جدا وشخصية أحمد مكي كويسة جدا وعمل إيراد كويسة، ولكن محمد السبكي ممكن يكون أكل على حد باقي قسط فربنا مرزقهوش من الفيلم".
في وقت سابق، هاجم الفنان بيومي فؤاد، المنتج محمد السبكي، بسبب فيلم "مطرح ما تروح"، قائلًا:" العزيز اللي غدرته وسقوط قناعه وجعني وعمل شرخ، اللي حصل إني اديتله الفيلم، وهو بتاعي، وناس جامدين جدًّا طلبوا مني يعملوا لي الفيلم، وأنا فضلت محمد السبكي ورُحت وديتهوله، والمؤلفين اشتكوا منه بسبب الأجر، فأنا اديتلهم من معايا علشان يمضوا، فضغط عليهم ومضوا وبعد ما خلصنا كل الحاجات مضا المؤلفين التنازل وغدر بيَّ وجاب محمود حميدة يعمل الفيلم".
الأزمة الصحية لبيومي فؤاد بسبب محمد السبكي
وتابع خلال لقائه ببرنامج "أنا والقناع" المذاع على قناة "الحياة": "الفيلم هينزل في العيد، عمري ما اشتكيت ولا تعبت، لما سمعت الخبر ضغطي علي ووصل لفوق الـ50، وكان هيحصل انفجار في عيني ورُحت للدكتور على طول قال لي لازم نفتح عمليات حالًا، ما بعتش للسبكي ولا كلمته ولا قربت له فقط قلت حسبي الله ونعم الوكيل".
إنسانية أحمد السبكي
وأكمل بيومي فؤاد: "أنا كنت صديق للسبكي وحبيب الأسرة جدًّا، وأنا شايف إن أحمد السبكي من أكبر المنتجين في مصر ومفيش حد له عنده جنيه، واللي بيتفق عليه بياخده الفنان وعنده إنسانيات كتير، لكن محمد السبكي في الموقف اللي حصل معايا عكس أخوه".
حياة بيومي فؤاد
وقال: "أنا اتربيت إني ما أحبش أوي علشان ما أزعلش أوي علشان ما أكرهش أوي علشان ما أعياش أوي، فأنا دايمًا بحتمل في الشخص الغدرة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات ، أخبار الرياضة ، أخبار مصر، أخبار الاقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
