الكلام على مين.. إعرفوه لو كنتم شاطرين

تخش التحدى من أول يومين
وتقول أنا ماليش منافسين
بتحدى نفسى وهذ يكفى
والأعلى منها متحبهوش العين
 

وبرغم كل الانتقادات
بتحقق أعلى المشاهدات
ع التليفزيون ع الفيس أو تويتر
عندك أكثر التفاعلات
 

إسطورة وبرنس وإبن حلال
نسر الصعيد ملك المجال
بس لما بتتباهى وتتفشخر
بنحس إنك زى العيال
 

كل الناس تحب تتفرج عليك
وفى رمضان يتجمعوا حواليك
لكن لما تقول أنا نمبر وان
لازم تلاقينا بنتريق عليك