الزواج والطلاق والمشاهد الساخنة.. نيللي كريم تجيب عن الأسئلة الحرجة فى حياتها (فيديو)
قالت الفنانة نيللي كريم: "كل جوازة اتجوزتها ومكلمتش فيها وحصل طلاق بعدها غلطة وندمانة عليها، ولكن الفائدة الوحيدة فيها العيال".
شرط نيللي كريم لتجسيد مشهد ساخن وجرئ
وأكدت خلال الجزء الثاني من لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "لو جالي مشهد حميم في فيلم هاعمله بس لازم أقرأ سيناريو الأول واعرف مين المخرج، والأفلام القديمة كان بيحصل فيها مشاهد رومانسية كتير واحساس وكانت بتتعرض ولحد دلوقتي بنتفرج عليها ومعمولة بشكل عادي ومش بنغمض عنينا".
مشكلة المشاهد الساخنة
وأضافت: "احنا من كتر ما بطلنا نعمل المشاهد الساخنة والجريئة واللى فيه بوس بقت الموضوع لما يحصل بيبقى فيه هجوم، الموضوع بيتحسب في إطار العمل الفني والمشاهد مش قصة اننا نطلع عريانين وممكن نعمل حاجات كتير جدا بدون فجاجة ولا مناظر تضايق الناس".
قدرة وأهمية المخرج في المشاهد الجريئة
وأشارت نيللي كريم: "المخرج له عامل كبير في تصوير المشهد الجريء أو الساخن، وأنا رأيي فيه فيلم حلو وفيلم وحش عمل فني محترم وعمل فني مبتذل، والمخرج هو اللى يقدر يتحكم في الموضوع ده".
نيللي كريم تكشف موقفها من عمليات التجميل
في الجزء الأول من نفس اللقاء، كشفت الفنانة نيللي كريم، حقيقة إجرائها عمليات تجميل، مؤكدة: "مبخافش إني أكبر لإن ده الطبيعي اللي هنوصله، وانا معملتش أي عمليات تجميل".
وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "هاعمل عملية تجميل لما أحس إني محتاجة اعملها".
قيمة عمليات التجميل
وتابعت نيللي كريم:"اعتقادي الشخصي إني هاعمل عملية تجميل لما أبقى عايزة أحسن من شكلي لتحسين نفسيتي، وفيه ناس بتبقى عايزة تحس بالثقة فتبقى عايزة تصلح حاجات معينة في وشها، بس أنا معرفش ممكن أعملها امتى".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
