لوسي: علمت شاكيرا الهز وعرفت غادة عبد الرازق قواعد الرقص (فيديو)
قالت الفنانة والراقصة لوسي:"أنا اللي علمت شاكيرا الرقص، وكل اللى بيرقصوا شرقي تقريبا أنا وفيفي عبده اللى معلمينهم".
تدريب شاكيرا علي الرقص
وتابعت خلال الجزء الثاني من لقائها ببرنامج "العرافة" المذاع علي قناة "المحور":"الطبال بتاع شاكيرا كان بيجي ياخد مني الحزام اللى تهز وتشخلل بيه ويديني سيديهات واديله حركات واعرفه الرعشة بتتعمل إزاي وتقسيمة الوسط بتتعمل إزاي وبيروح يقول لشاكيرا".
تقسيمات وحركات شاكيرا
وأضافت:"شاكيرا بتتفرج علي فيديوهاتي وتتعلم منها الرقص، والتقسيمات والرعشة كلها والحركات بتاعتي خدتها مني".
تعليم قواعد الرقص لغادة عبد الرازق
ولفتت:"وقفت مع غادة عبد الرازق وعرفتها دي بتترقص أزاي، هي بتعرف ترقص بس علشان تبان إنها رقاصة كان لازم اقولها القواعد، ولما اجي اعمل دور راقصة لازم أكون بعرف ارقص زي نبيلة عبيد ".
نصيحة ابن لوسي
في نفس اللقاء قالت الفنانة والراقصة لوسي:"تربية وثقافة ابني فتحي خليته عارف أن الرقص فن كويس ومحترم، وقالي ربنا معاكي وهزي كويس من باب أن العمل بجد وتركيز هيكون سبب في النجاح".
وأضافت:"فتحي ابني لما قاللي هزي كويس يعني اشتغلي بذمة وهو زيي بيحب الهزار، انا بهز فعلا، ودايما يقولي ارقصى كويس ومثلي كويس".
ثقافة وتربية ابن الراقصة لوسي
ولفتت:"ثقافة ابني فتحي وتربيته مختلفة وهو بيلعب مزيكا وطالما فكرت اجيب طفل يا ربيه كويس وبما يرضى ربنا يا متجبيش أطفال ونرميها في الشارع فأنا جيبت طفل وقعدنا أنا وجوزي بنربي راجل النهارده معاه بكالوريوس هندسة ميكانيكا وبيشتغل في أمريكا وبيحضر للماجستير، فيقول هزي كويس اوا انكشي شعرك علشان بتبقى حلوة عادي".
وتابعت لوسي:"ابني لما كبر بيقدر شغلي ودايما يقولي ربنا معاكي، ولما قال لي هزي كويس كانت في حفلة للتليفزيون المصري في الساحل الشمالي وكانت مذاعة ".
ولفتت:"انا فخورة بإبني لما قاللى هزي كويس وهو فخور بأمه لوسي اللى بترقص، وانا فخورة بنفسي".
رقص لوسي في اعياد ميلاد وافراح اصدقائه
وأشارت:"انا بروح اعياد ميلاد اصحاب ابني وخطوبتهم وارقص وكل اصحابه صبيان وبنات انا صاحبهم وهما اللى بيحبوا يتعرفوا على وبيقولولي احنا فخورين ان ده ابنك تربية واخلاق وجدعنة وشهامة، مصري ابن مصري ابن مصرية جدعة ومش معنى اني خلفته في امريكا يبقى بعيد عن بلده هو بيحط علم مصر ويروح ينتحب رئيسه، وخلفته في أمريكا لإن امي ماتت وكان عندي توأم في بطني ماتوا وكنت بروح للدكتور ميعرفش انهم ميتين بقالهم اسبوعين وانا كنت باموت ومحتاجة ابقى أم وعملت عملية وشيلنا الأطفال ميتين وانا اللى اكتشفت اني مش طبيعيين واللثة بتاعتي بتخرج حاجات لزجة وحزنت عليهم ولما امي توفت كنت محتاجة ابقى ام واختي الكبيرة عايشة في امريكا فروحت اترمي في حجر اختي وخلفت هناك".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
