المصريون يبحثون عن مسلسل الصفارة.. والنشطاء: إيه اللي حصل في جمصة؟
مسلسل "الصفارة"، احتل مسلسل "الصفارة" واسم الفنان أحمد أمين تريند مصر، بمواقع التواصل الاجتماعي، وزاد بحث المصريون عنه بمؤشر البحث الأكثر شهرة جوجل.
المصريون يبحثون عن صفارة أحمد أمين
وأثار مسلسل "الصفارة" واسم أحمد أمين جدلًا واسعًا بين نشطاء مواقع التواصل الاجتماعي، مشيرين إلى فكرة الرجوع بالزمن من خلال استخدام "شفيق"، أحمد أمين، لـ "صفارة توت عنخ أمون"، حتى يعود بالزمن إلى يوم محدد لمدة 3 دقائق، ليغير مستقبله.
وعلقت غادة سامي على مسلسل "الصفارة" فقالت: " فكرة الرجوع بالزمن للماضي لتغيير أحداث هتأثر في المستقبل فكرة مش جديدة واتكررت في أعمال كتيرة، مع اختلافات في الأسباب وطريقة الرجوع، عايز يغير مستقبله ولا عايز يغير حدث تاريخي مهم، باستخدام جهاز أو تعويذة أو صفارة أو غيرهم في مسلسل الصفارة القصة معمولة بطريقة جميلة وفيها كوميديا حلوة، لكن لفت نظري شخصية حسيت إني شفت زيها قبل كده، الراجل العجوز اللي كان بيبص على شفيق ومبتسم وكل مرة بيرجع بالزمن بيخبط فيه فكرني بالراجل اللي كان معاه بطاقة صفراء في مسلسل 11.22.63، كان بيمثل مستقبله اللي بيحاول ينبهه إن رجوعك للماضي وتغييرك ليه مش هيفيدك بحاجة وكل مرة هتوصل لنفس المستقبل أعتقد الشخص ده في مسلسل الصفارة بيمثل نفس الفكرة، مستقبله اللي مش هيتغير مهما عمل، يمكن كل مرة سيناريو حياته بيختلف بس هيفضل دايما ناقصه حاجة!".
العودة للمستقبل والواقع الافتراضي
وعلق مصطفى حسن قائلًا: "عاوز اقول كلمه بس برافو احمد امين دايما بتفاجئنا في كل عمل بيعمله ويقدم حاجه مفيده وحاجه لمسه قلوبنا اكيد كل واحد مننا عنده فتره في حياته نفسه يغيرها فتره لو كان عمل حسابها كان مستقبله اتغير بالكامل للاحسن بس للاسف كلها اعمال دراما والي بيعدي من العمر مش بيرجع تاني".
وردت مها العطار قائلة: "العودة للمستقبل مسلسل الصفارة للممثل أحمد أمين يمثل واقع افتراضي في تغيير الزمن عبر بوابة صفارة قديمة. يرجع من خلال الصفارة بالزمن حتي يستطيع تغيير قدرة. طيب انت كمان معاك صفارة مثل احمد امين تستطيع من خلالها تغيير قدرك بسهولة."
سيناريوهات المستقبل في الصفارة
وعن أحداث مسلسل الصفارة قال حمدي علي: "شفيق" في كل مرة هيختار سيناريو غير اللي ربنا كتبهوله هيكون أتعس من حياته الحقيقية.. هو قُدر ليه ان صاحبه يأذيه وياخد اللي بيتمناه.. في الواقع خد حلمه وشغله.. وغالبًا في كل مرة هيختار سيناريو تاني هيلاقي برده نفس صاحبه ده خد منه اللي أصعب من كده زي ما خد عيلته ودوره كزوج وأخ وابن لما بقى غني.. لان كده كده ده قدره والمكتوب عليه.. ان فيه حد هيأذيك وهياخد منك شئ عزيز عليك.. لكن ربنا بيختارلك أهون سيناريو تقدر تستحمله ومبيكلفش نفسك إلا وسعها..".
وعلق أبو الوليد عماد فقال: "احمد امين عبقري الكوميديا المصريه حاليا".
وقال المصري كامل "الولد ظريف اوى بصراحه، احمد امين اللى محطوط فى اختبار صعب بعد جزيرة غمام".
وردت هبة "أحلامي كلها عايشها غيري، أسوأ شخص ف حياتي هيفوز بحب حياتي. #الصفارة_ أحمد أمين".
أيه اللي حصل في جمصه
وقال إسلام إسماعيل "الحوار شغلني عشان بعدي علي جمصه كل يوم وانا رايح الشغل وبسأل نفسي البلد دي احمد امين عمل فيها اي".
وعلق سامح علي قائلًا: "الصفارة مسلسل لطيف بس مايعتبرش كوميدي للآخر... بيحاول يعالج قضايا في طريقه... المعالجة صحيح سطحية شوية لكن في المجمل لطيف".
وتدور قصة مسلسل "الصفارة" إلى "شفيق" أحمد أمين، الذي قرر أن يستخدم "صفارة توت عنخ أمون" ليعود بالزمن إلى يوم محدد لمدة 3 دقائق، ليغير موقف أثر على مستقبله، وعاد "شفيق" وغير حياته، وفوجئ أنه أصبح شخصا آخر، رجل سمين لا يتذكر أي شيء.
حدث ذلك خلال 6 سنوات مضت، ووجد نفسه يعيش في فيلا كبيرة وناجح في عمله لكن حياته الشخصية وعلاقته بزوجته ووالدته وشقيقه ليس في أفضل حال. وبعد العودة إلى الزمن وتغيير المستقبل وظهور بشكل غريب.
وفي كل موقف صعب يقع فيه "شفيق " يذكره كل من حوله بما حدث قائلين "ولا نسيت اللي حصل في جمصة"، فيسأل "شفيق" إيه اللي حصل.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
